SANTIAGO DE COMPOSTELA | 26/07/2017 | Actualizada ás 13:36 por EUROPA PRESS
O Xulgado de Instrución Número 2 de Santiago de Compostela decretou prisión provisional, comunicada e sen fianza para o home detido o luns por apuñalar á súa exparella na capital galega.
Así o confirmaron fontes xudiciais despois de que o detido pasase na mañá deste mércores a disposición xudicial nos xulgados de Fontiñas.
Agresor e vítima, de 21 anos de idade, foran parella durante dous anos e deixaran a relación facía dous meses, segundo explicou ás autoridades unha cuñada da nova atacada que a acompañaba no momento dos feitos.
A investigación pola brutal agresión ocorrida a plena luz do día nas proximidades do aparcadoiro de San Clemente, na capital galega, asumiuna a Policía Nacional.
HOSPITALIZADA
Pola súa banda, a moza apuñalada na tarde do luns na capital galega está ingresada na Unidade de Críticos do Hospital Clínico de Santiago estable dentro da gravidade.
Tras ser intervida das numerosas feridas que recibiu a plena luz do día en cara, peito, brazos, abdome e perna, presenta prognóstico reservado.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.