Activo un incendio forestal na Mezquita (Ourense)

A Consellería do Medio Rural informou dun incendio forestal activo iniciado no municipio ourensán da Mezquita e que, segundo as primeiras estimacións, afectou xa a máis de 20 hectáreas.

Segundo explicou o departamento autonómico, as lapas comezaron sobre as 15,00 horas na parroquia de Pereiro e o incendio continúa polo de agora activo.

Nos labores de control participan tres axentes forestais, seis brigadas, catro motobombas e dous helicópteros.