SANTIAGO DE COMPOSTELA | 28/07/2017 | Actualizada ás 12:31 por EUROPA PRESS
A xornada de paros en Renfe e Adif, convocada pola CXT, transcorre con normalidade este venres, coa supresión de máis de 30 trens na comunidade galega e uns 1.800 viaxeiros afectados.
Segundo destaca a propia central sindical, o día avanza co cumprimento dos servizos mínimos impostos polo Ministerio de Fomento, fixados no 60% dos servizos.
Ademais, cifra nun 60% o seguimento da folga en todo o Estado, contando só o persoal que non ten carta de servizos mínimos que lle obrigue a traballar.
O dato de viaxeiros afectados extráeo dos usuarios "que utilizan de forma habitual algún dos trens suprimidos", segundo explica, "ou que teñen que facer transbordo por supresión parcial do tren".
Destaca a organización que a incidencia é "maior" ao ser venres e lembra que os principais motivos da folga son a reivindicación dun plan de ingresos de traballadores "a longo prazo", o cumprimento dos convenios colectivos, "maiores investimentos" nas infraestruturas e procesos de baixas voluntarias.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.