SANTIAGO DE COMPOSTELA | 17/08/2017 | Actualizada ás 10:22 por EUROPA PRESS
O incendio forestal rexistrado no municipio ourensán de Cualedro que obrigou a cortar o mércores a autovía A-52 quedou extinguido tras queimar 17 hectáreas --16,5 hectáreas de monte raso e media hectárea de arboledo--, segundo informa a Consellería de Medio Rural.
O lume iniciouse ás 18,04 horas do mércores e quedou extinguido ás 2,15 horas deste xoves. Provocou o segundo peche en agosto da autovía das Rías Baixas por un incendio na provincia de Ourense --o outro ocorreu en Verín o 4 de agosto--. Neste caso, entre os puntos quilométricos 173 e 178, en Trasmiras.
Na extinción do incendio participaron oito helicópteros, catro avións, 11 motobombas, 11 axentes, 19 brigadas e dúas pas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.