Na busca de drons que fagan a vendima

Robondrovi é o acrónimo escollido para o programa “Aplicacións e uso de Robótica no manexo do Viñedo”. Esta inciativa acaba de botar a camiñar grazas a través da aprobación dun grupo operativo de e reflexión e investigación por parte Ministerio de Agricultura . Nel participan 16 socios de todo o Estado, cinco deles galegos. O obxectivo: crear robots aéreos e terrestres que permitan tomar decisións sobre os viñedos.

Do país colaboran as famosas adegas Terras Gauda, a súa denominación de orixe (Rías Baixas), a Universidade de Santiago de Compostela a través do Departamento de Botánica da Facultade de Bioloxía, a Plataforma Tecnolóxica do Viño e Asociación Galega de Sistemas Intelixentes non tripulados. E é que un dos obxectivos do proxecto é usar drons, robots aéreos, nos bacelos.

O cultivo dos viñedos é unha das tarefas agrícolas que máis man de obra require. O uso de robots en tarefas como a vendimia aínda está moi verde segundo sinala a USC de bido  “a súa escasa flexibilidade, eficiencia e robustez, ademais do seu alto custo operativo”. 

O obxectivo final é que os drons sexan quen de recoller datos para  mellorar a calidade e a sanidade da vendima, e incrementar a rendibilidade da produción nos viñedos, explican dende a Facultade de Bioloxía.

O certo é que o primeiros pasos cara este obxectivo xa se deron. Robotnik Automation, a empresa valenciana líder deste novo consorcio, creou VINBOT. Defíneno como “un robot móbil autónomo todo terreo cun conxunto de sensores capaces de capturar e analizar imaxes do viñedo e datos en 3D mediante aplicacións de cloud computing, para determinar o rendemento dos viñedos e para compartir información cos viticultores”.

Segundo os seus creadores, VINBOT é quen de interpretar datos entrantes procedentes de sensores como láseres ou cámaras en mapas 3D, actualizando estes mapas nun servidor e mellorando a precisión para ofrecer ás produtores estimacións reais de, por exemplo, cando vendimiar en cada zona. 

O seguinte paso é que esta enorme candidatos de datos poidan ser procesados e compartidos mediante técnicas de big data. Así os viticultores poderían contar con parámetros obxectivos para tomar decisións sobre os seus viñedos. 

O novo grupo xa realizou un diagnóstico elaborado por todos os participantes sobre o estado actual da tecnoloxía. A partir de 2018 queren probar os robots terrestres, apoiados en voos de frotas de robots terra-aire, nos vacelos. Desta forma, espérase axudar ao viticultor na súa toma de decisións diaria en relación co manexo do viñedo e na execución de diferentes tarefas.

 

O Ministerio de Agricultura, Pesca, Alimentación e Medio Ambiente (MAPAMA) concedeulle a este proxecto unha subvención de mais de 57.000 euros este verán.