Novo viveiro de empresas no Concello da Laracha
O Concello da Laracha, en Lugo, ten en marcha un concurso público para a construción dun viveiro de empresas. A Administración investirá como máximo 297.024 euros máis IVE nesta iniciativa.
Por GC Emprende | A Laracha | 30/08/2017 | Actualizada ás 10:10
O Concello está a tramitar o concurso mediante o procedemento negociado con publicidade. As ofertas presentadas abriranse nun acto público a finais deste mes. O prezo e a reducción dos prazos previstos serán os dous criterios valorados.
O novo edificio, deseñado pola arquitecta María Dolores Crespo este verán, estará no lugar de Raxido, na zona do actual parque empresarial, e contará con 11 prazas de aparcamento. Disporá dunha superficie útil de máis de 500 metros cadrados nunha planta baixa, totalmente accesibles a persoas con mobilidade reducida, e dous patios interiores.
A edificación terá dúas partes, unha de naves de uso industria ou artesanal e outra de oficinas e servizos xerais.
