O número de afiliados á Seguridade Social aumenta en agosto en Galicia un 0,23%, con 2.293 ocupados máis

O número de afiliados á Seguridade Social aumentou en agosto en Galicia un 0,23%, con 2.293 ocupados máis, segundo informou este luns o Ministerio de Emprego e Seguridade Social.

Pola contra, a nivel estatal, a Seguridade Social perdeu en agosto unha media de 179.485 afiliados (-0,97%) respecto ao mes anterior, o que situou o número de ocupados en 18.309.844 cotizantes.

Por comunidades autónomas, o número de afiliados creceu tamén en Cantabria, con 2.017 (0,93%); Canarias, con 1.587 (0,21%); Asturias, con 852 afiliados máis (0,23%) e na Cidade Autónoma de Ceuta, con 12 ocupados (0,06%). Os maiores descensos, pola contra, foron en Cataluña, con 59.363 ocupados menos (-1,77%) e Madrid, con 35.045 baixas (- 1,17%).

(HABERÁ AMPLIACIÓN)