Fiscalía abre dilixencias de investigación penal pola morte dun paciente no Chuac

Esta actuación prodúcese despois de que o Defensor do Paciente solicitase unha investigación de oficio para determinar se houbo "abandono de funcións e abandono" dun paciente de 82 anos.

Por E.P. | A CORUÑA | 13/09/2017 | Actualizada ás 13:54

Comparte esta noticia

A Fiscalía abriu dilixencias de investigación penal pola morte dun paciente no Complexo Hospitalario Universitario da Coruña (Chuac) en xuño deste ano, segundo confirmou o Ministerio Público despois de que o Defensor do Paciente fixese público este caso.

Feijóo nas novas depencias do CHUAC coa conselleira de Sanidade e o alcalde da Coruña
Feijóo nas novas depencias do CHUAC coa conselleira de Sanidade e o alcalde da Coruña | Fonte: unta

Esta entidade indicou este mércores que a Fiscalía Superior de Galicia trasladoulles que as dilixencias de investigación penal foron remitidas á provincial ao entender que é "a competente" nesta materia, extremo que confirmaron tamén desde o Ministerio Público.

Esta actuación prodúcese despois de que o Defensor do Paciente solicitase unha investigación de oficio para determinar se houbo "abandono de funcións e abandono" dun paciente de 82 anos que ingresou no Complexo Hospitalario Universitario da Coruña (Chuac) na noite do 23 ao 24 de xuño e que faleceu 13 días despois.

En declaracións a Europa Press, a filla do falecido asegurou que o seu pai ingresou no hospital "con dores abdominais e feces con sangue". "Necesitaba unha colonoscopia, pero ían pasando os días e non lle fixeron nada", engadiu. Sobre a xustificación recibida, expuxo que foi que "non había anestesistas para facer esa proba".

Pola súa banda, o Chuac subliñou que o paciente "recibiu a atención adecuada por parte dos profesionais do centro en función do seu estado de saúde". Na mesma liña, remarcou que, aínda que sexa período vacacional, o centro hospitalario "conta con todos os servizos cubertos".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Dr Bacterio

Os recortes do PP na Sanidade Pública: MATAN