Un ciclista que cuadriplicou a taxa de alcol en Muimenta dixo á Garda Civil que se iría andando a tomar unha copa

A Garda Civil de Lugo investiga a un ciclista que cuadriplicou a taxa de alcoholemia na estrada LU-120, no lugar de Muimenta, no concello de Cospeito.

SANTIAGO DE COMPOSTELA | 13/09/2017 | Actualizada ás 14:22 por EUROPA PRESS

Comparte esta noticia

A Garda Civil de Lugo investiga a un ciclista que cuadriplicou a taxa de alcoholemia na estrada LU-120, no lugar de Muimenta, no concello de Cospeito.

Unha vez finalizada a actuación, o condutor, sancionado, abandonou o lugar andando, coa bicicleta na man para, "segundo as súas propias palabras, ir tomar unha copa a un local de hostalaría próximo", segundo explica a Benemérita nun comunicado de prensa.

Na nota, indica que sucedeu ás 17,10 horas deste martes, durante o desenvolvemento dun punto de verificación de alcol e drogas, cando unha persoa se aproximou en bicicleta dun modo "absolutamente errático e irregular".

Ante esta forma de circular, os axentes detivérono e comprobaron que se atopaba baixo os efectos do alcol, cun resultado de 0,99 miligramos por litro de aire expirado.

Este tipo de condutas, segundo apunta a Garda Civil, está tipificado como infracción moi grave e pode levar unha sanción de 1.000 euros.

Algún erro? Nota editorial
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta