Google homenaxea no seu 166 aniversario á galega Emilia Pardo Bazán, precursora do feminismo

Google dedica este sábado o seu 'doodle' (logotipo da páxina principal do buscador) ao 166º aniversario do nacemento de Emilia Pardo Bazán (A Coruña, 16 de setembro de 1851 - Madrid, 12 de maio de 1921).

Condesa, novelista, xornalista, ensaísta, crítica literaria, poeta, dramaturga, tradutora, editora, catedrática e conferenciante introductora do naturalismo en España, Pardo Bazán foi tamén precursora do feminismo, apostando pola educación da muller para equiparala en dereitos co home.