Un MBA en Galicia a tempo parcial

A organización salienta que é dun programa de adestramento dirixido a mozos profesionais, titulados universitarios, que queren dar un pulo á súa carreira e adquirir maiores responsabilidades nas súas empresas. Así, acompañados por un equipo de expertos en xestión empresarial, os participantes achéganse ao mundo da empresa no seu conxunto, desde un enfoque global e xeneralista que lles permitirá coñecer o funcionamento de todas as áreas e as relacións existentes entre cada departamento. Cun carácter eminentemente práctico, os estudantes vivirán experiencias de integración en equipos de alto rendemento e desenvolverán as súas capacidades máis aló dos coñecementos a través de dinámicas específicas de coaching, traballo en equipo, proxectos reais e casos prácticos, adestrando tamén a súa marca persoal.

O programa de formación, que se estende durante 15 meses en horario compatible coa actividade profesional (venres pola tarde e sábados pola mañá), con sesións intensivas complementarias, consta de 90 ECTS, 15 deles validados pola experiencia profesional do estudante. Estruturado en cinco módulos sobre contorna empresarial, ferramentas para a xestión empresarial ou dirección de empresas e liderado, entre outros, o MBA Part Time ofrece, así mesmo, un módulo transversal sobre coaching profesional.

O MBA de IESIDE proporciona ademais aos seus estudantes a integración na comunidade de directivos máis grande de Galicia, pasando a formar parte dunha rede de 60 000 profesionais que pasaron polas aulas de IESIDE nos últimos 30 anos e que conforman boa parte dos cadros directivos das empresas galegas.