A industria galega aumenta a súa cifra de negocios un 11,9% en xullo e a entrada de pedidos crece un 10,1%

A cifra de negocios da industria galega incrementouse un 11,9% en xullo en relación co mesmo mes do ano anterior, mentres a entrada de pedidos creceu un 10,1%, segundo os datos publicados este xoves polo Instituto Nacional de Estatística (INE).

De media do que vai de ano, a facturación da industria en Galicia acumula un crecemento do 8,2%, e a entrada de pedidos, pola súa banda, do 9,1%.

No conxunto estatal, a cifra de negocios subiu un 5,5% e as entradas de pedidos subiron un 4,4. Co dato de xullo, a facturación da industria encadea tres meses consecutivos de ascensos interanuais, aínda que a taxa do sétimo mes do ano moderouse un punto en relación ao crecemento experimentado en xuño, que foi do 6,5%.

Pola súa banda, os pedidos do sector suman xa sete meses consecutivos de aumentos interanuais. No entanto, a taxa de xullo é 3,4 puntos inferior á experimentada en xuño, cando os pedidos da industria repuntaron un 7,8%.

Corrixido o efecto calendario e a estacionalidade, a cifra de negocios da industria incrementouse un 5,5% o pasado mes de xullo en taxa interanual, dúas décimas menos que en xuño, mentres que os pedidos do sector creceron un 4,6%, taxa 2,8 puntos inferior á de xuño.