Máis de 3.5000 persoas en Galicia recibiron un transplante de ril, hemodiálise ou diálise peritoneal

O Complexo Hospitalario Universitario de Santiago de Compostela acollerá as II Xornadas de Galicia sobre Enfermidade Renal.

Por Galicia Confidencial | Santiago de Compostela | 21/09/2017 | Actualizada ás 17:00

Comparte esta noticia

En Galicia, máis de 3.5000 persoas recibiron un transplante de ril ou realizan hemodiálise e/ou diálise peritoneal. Ademais, o Tratamento Substitutivo Renal (TSR) permite seguir con vida ao 0,1% dos galegos e españois, o que representa o 3% do gasto sanitario. A estes datos hai que sumar que a Poliquistose Renal Autosómica Dominante (PQRAD) é a responsable de que un de cada dez pacientes necesiten diálise ou transplante.

Hemodiálise
Hemodiálise | Fonte: Wikipedia.

Co fin de achegarse máis a esta realidade, o Complexo Hospitalario Universitario de Santiago de Compostela acollerá as II Xornadas de Galicia sobre Enfermidade Renal. Estas xornadas teñen como obxectivo mellorar a calidade de vida das persoas con enfermidade renal e a das súas familias, e informar sobre esta doenza e a Poliquistose Renal Autosómica Dominante (PQRAD) aos profesionais sanitarios e estudantes de Ciencias da Saúde.

As II Xornadas de Galicia sobre Enfermidade Renal están organizadas pola Federación Nacional ALCER (Asociacións para a Loita Contra aas Enfermidades do Ril) e a Federación ALCER Galicia, contando co apoio e colaboración da Consellería de Sanidade, os Complexos Hospitalarios de Santiago (CHUS) e da Coruña (CHUAC), a Xerencia de Xestión Integrada de Santiago e Lugo, Cervo e Monforte, o Concello de Santiago, a Universidade de Santiago de Compostela (Facultade de Medicina e Odontoloxía e a Facultade de Enfermaría), Cogami (Confederación Galega de Persoas con Discapacidade), a empresa Otsuka, así como outras entidades e empresas como a Axencia de Doazón de Órganos e Sangue (ADOS), a Escola Galega de Saúde para Cidadáns, a Sociedade Galega de Nefroloxía e a empresa Diaverum.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta