Trasladan a catro feridos nun choque entre dous coches en Outes (A Coruña)

Unha colisión frontolateral entre dous turismos saldouse este xoves con catro persoas feridas en Outes (A Coruña). Segundo os datos facilitados ao 112 Galicia, as vítimas foron trasladadas ao Hospital A Rosaleda.

Un particular alertou do sinistro ao 112 Galicia ás 15,00 horas. En concreto, informou de que o accidente ocorrera en Cernón, nas proximidades do serradoiro.

O 112 informou do ocorrido ao 061, aos bombeiros de Boiro, o GES de Muros e de Protección Civil.