Por Galicia Confidencial | Madrid | 22/09/2017 | Actualizada ás 18:39
Libertad Digital SA e Federico Jiménez Losantos deberán abonar 10.000 euros a Carolina Bescansa. Un xulgado de primeira instancia de Madrid acaba de fallar que o xornalista violou a honra da política de Podemos, procedente de en Santiago de Compostela.
Que foi exactamente o que dixo Losantos? Pois chamoulle “mala nai” á Bescansa por levar ao seu cativo ao Parlamento. Do neno dixo que “estaba dopado”.
“O ámbito da liberdade de expresión que resulta constitucionalmente amparado excédese, coa vulneración do dereito á honra" argumenta o xuíz segundo a sentencia que deu en primicia Público.
EsRadio deberá publicar unha noticia sobre o ditame na súa web e borrar do portal as informacións que violasen a honra da demandante.
Non é a primeira nin a segunda vez que a Xustiza condena a Losantos, un dos principales promotores e bandeira de EsRadio. Tamén foi condenado no pasado por violar a honra de Alberto Ruíz Gallardón e por afirmar que dispararía contra os deputados de Podemos. Malia isto, EsRadio foi unha das favorecidas pola Xunta no último reparto de frecuencias.
A política galega agradeceu os apoios recibidos neste tempo:
Gracias a las madres, matronas y educadoras que me habéis apoyado en el camino por la normalización de la maternidad https://t.co/2jMn9fMc6O
— Carolina Bescansa (@CBescansa) 22 setembro 2017
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.