Rap en galego para conmemorar o Día Europeo das Linguas

"O rap da Lingua" chama aos nenos a falar neste idioma.

Por Galicia Confidencial | compostela | 24/09/2017 | Actualizada ás 12:00

Comparte esta noticia

Un rap en galego para falar galego. Esa é a proposta de Migallas Teatro para tentar que os máis novos falen a lingua do país.

Por iso, acaban de lanzar "O rap da Lingua", un videoclip que pretende prestixiar o uso do galego con motivo da próxima celebración do Día Europeo das Linguas o martes 26 de setembro.

O videoclip foi realizado por Sagüillo sobre a canción "O rap da lingua", do libro-CD-DVD Canta Connosco! publicado por Kalandraka. Neste traballo recupéranse as cancións do disco homónimo de Migallas Teatro gravado en 1996, incorporando as fermosas ilustracións de Óscar Villán e mais 10 divertidos videoclips con karaoke de José Miguel Sagüillo.

A música, letra e voces son de María Campos e Carlos Yus, os arranxos de Paco Dicenta, os músic@s participantes no disco son Paco Dicenta, Xosé Manuel Budiño, Francisco Bouza, Guillermo Fernández e Suso Elías Quiroga. Lucía Cota e Eva María Troitiño fan os coros e os participantes na peza musical son rapaces e rapazas dos obradoiros de expresión dramática “Á procura do tesouro”, de Pontevedra.

Manifestación de Queremos Galego en Santiago
Manifestación de Queremos Galego en Santiago

Temas: GALEGO MúSICA
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Minia

Do ano 98🤔😅☹️😖