Temas: EMPRESA REFERENDUM CATALUñA

Os empresarios galegos, "radicalmente en contra" do referendo "ilegal" de Cataluña

Trasladan o seu "total apoio" á legalidade vixente e "ao cumprimento estrito das leis".

Por E.P. | SANTIAGO DE COMPOSTELA | 25/09/2017 | Actualizada ás 18:58

As confederacións empresariais galegas mostráronse "radicalmente en contra" do referendo catalán, convocado para o vindeiro domingo 1 de outubro, e trasladaron a súa "forte preocupación" polas consecuencias da situación política do territorio para todo o Estado.

"Calquera melloría da actividade económica necesita de seguridade xurídica e estabilidade, e a historia mostra que a maior unión e tamaño, maior forza e desenvolvemento socioeconómico", sinalan as entidades nun comunicado conxunto.

Os empresarios defenden "a actual configuración do estado das autonomías" e rexeitan "calquera solución que supoña incrementar as diferenzas entre rexións, aumentando a desigualdade e a pobreza" do país.

Por iso, trasladan o seu "total apoio" á legalidade vixente e "ao cumprimento estrito das leis", a Constitución española e a lexislación internacional, sobre todo a da Unión Europea.

Neste sentido, apostan "polo diálogo" e pola procura de "solucións consensuadas", sen que isto supoña "máis privilexios para unhas rexións en detrimiento doutras. A pesar diso, as confederacións apoian, á súa vez, "todas as accións que se consideren necesarias" para "facer cumprir a legalidade".

Temas: EMPRESA REFERENDUM CATALUñA

7 Pepe Vara

coño! pero dos horarios ilegais ou das nóminas en ba non che son contrarios.......

6 Xosé

Podían empezar por organizarse eles para defender os intereses económicos das galegas e galegos creando riqueza na Galiza. Unicamente pensan en encher os seus petos. Hai algúns empresarios honrados e decentes, pero estas declaracións demostran a submisión total destas confederacións ao PP.

5 Alberte

Nacín no 60. Lembro que aínda que votara a formacións de esquerda e nacioanlistas, sempre, sempre tiven medo. Ese sentimento que levas dentro e que escoitas na túa casa, cando a túa nai, que non ten estudos mailos vecinhos dín: son os mesmos pero con diferentes colares. E os vecinhos votaban e exaltaban, porque levaban o medo no ADN, aos mesmos pero con diferentes colares. Creo que despois do 1 de outubro, o Estado Espanhol non voltará a ser o mesmo. Moitos de nós, moitos moitos, perdímosvos o medo. E si xa non tes medo, isto non ten volta atrás. A non ser que saquedes os tanques. E sin non os sacades, pois o Estado non vai voltar a ser o que foi até hoxe. Iso sabémolo todos. Viva Catalunha. Pero non só polo referendo. Porque grazas a eles Espanha , polas boas, nunca voltará a ser a mesma.

1 um outro

bem falado

4 galegoexiliado

Teñen toda a razón, porque a democaracia é un mal moi contaxioso e destrutivo. Comézase pidindo un referendo e acábase por pedir contratos fixos, salarios dignos, seguridade social e vacacions pagadas. Mano dura, ley de vagos y maleantes e a sachar o monte. ¿A donde iríamos a parar si ahora todos quixeran liberdade e dereitos democráticos, sociais e laborais?. Ou o que sería peor, acabar coa corrupción e os contratos a dedo, ou a porcentaxe. Nin que esto fuera Venezuela.

3 AS COMEDIAS DA PATRONAL

A CORRUPCIÓN NON TEN RÉPLICA A legalidade que ao parecer defende este colectivo empresarial , tamén é calar a boca cando un día tras doutro os políticos corruptos adxudican obra pública de xeito irregular. E visto que a legalidade desta xente ten as patas moi cortas