Por E.P. | OURENSE | 03/10/2017 | Actualizada ás 10:30
Un incendio forestal permanece activo na mañá deste martes no termo municipal de Lobios (Ourense) e afecta ao Parque Natural da Baixa Limia-Serra do Xurés.
Segundo informou a Consellería do Medio Rural, o lume comezou ás 20,07 horas do luns na parroquia de Río Caldo, no termo municipal de Lobios, e, segundo as primeiras estimacións, afecta a unha superficie dunhas 20 hectáreas.
Nos labores de control e extinción das lapas están a participar seis axentes forestais, 16 brigadas, sete motobombas, unha pa e dous helicópteros.
Curiosamente, este luns cesaban na súa actividade máis de 430 efectivos contra incendios ao considerar a Xunta que rematara a época de alertas por lumes.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.