Mercadotecnia para os mercados dixitais e para o relanzamento de Pescanova

IESIDE organiza un novo evento formativo dentro da súa programación de Open Days que terá lugar mañá xoves 5 de outubro a partir das 18.00 h no seu Campus de Vigo (avenida de Madrid, 60). 

Trátase do relatorio “Claves de éxito nunha estratexia de márketing” a cargo de José Rafael Pérez, Business Development Director en Ogilvy & Mather e docente en ESIC, na que mostrará como evolucionou o marketing coa irrupción dos medios dixitais e as redes sociais. Así mesmo, tratará as claves do éxito dunha boa estratexia de márketing global. 

A continuación analizarase o caso práctico “Nueva Pescanova: o renacer dunha compañía” da man de Juan Viñas, director corporativo de marketing de Nueva Pescanova. O relator presentará as bases da súa estratexia no ámbito comercial e de marketing, as dúas áreas que deben asumir o papel de “motores” dunha empresa para superar os novos retos aos que se debe enfrontar unha compañía para renacer. 

IESIDE ofrece esta xornada con motivo da presentación o seu Mestrado en Dirección de Marketing e Xestión Comercial (GESCO), a titulación de referencia para asumir funcións directivas no ámbito do marketing, a organización comercial e os negocios. Este mestrado conta co aval de ESIC, entidade que leva máis de 50 anos liderando a formación en Marketing en España e nos máis acreditados ránkings nacionais e internacionais.