Temas: CATALUñA

O día que se proclame a independencia de Cataluña haberá mobilizacións en Galicia

Sete concentracións con cazolas no país proclamaron este mércoes pola noitiña que “non temos medo” tras o discurso de Felipe VI. En concreto, houbo concentracións en Compostela, A Coruña, Vigo, Lugo, Ourense, Pontevedra e Ferrol. Os manifestantes foron convocados pola Plataforma Galiza con Catalunya, que agrupa a máis de 30 organizacións nacionalistas de esquerdas. Un colectivo que agora anuncia novas mobilizacións de cara a previsible e polémica Declaración Unilateral de Independencia.

Por Galicia Confidencial | Santiago de Compostela | 05/10/2017 | Actualizada ás 13:42

Comparte esta noticia

As protestas serán o propio día en que se emita a DUI, previsiblemente o luns. Serán “para celebrar a consecución da independencia” ou, no caso de que o Estado Español persista na súa “actitude represiva” e o faga impedindo que se proclame a independencia, para condenar tal hipotético feito. Así o explicaron este luns os seus voceiros en rolda de prensa en Santiago.

manifestación convocada pola plataforma Galiza con Catalunya a favor da celebración do referendo
manifestación convocada pola plataforma Galiza con Catalunya a favor da celebración do referendo

 

A Plataforma aproveitou para cargar contra o presidente da Xunta por “criminalizar o exercicio digno do dereito de autodeterminación do pobo catalán, e non reivindique ese mesmo dereito para Galiza como nación que é” durante o Debate de Estado de Autonomía. Xunto a isto a plataforma considerou que a “brutalidade das actuacións da Garda Civil e da Policía española, o regueiro de persoas feridas que deixaron e as imaxes que están hoxe a escandalizar o mundo malia seren negadas polos principais axentes mediáticos non poden ficar impunes”.

 

O manifesto ao fío das cazoladas de onte acusa ao Estado de apostar unicamente pola “vía represiva”. A Plataforma argumenta que foi o propio Goberno Central quen desconectou a Cataluña do Estado e defende a “vía catalana de desobediencia e resistencia frente ao réxime do 78”.

Xornada de folga xeral en Cataluña tralo referendo de independencia
Xornada de folga xeral en Cataluña tralo referendo de independencia | Fonte: Miguel Núñez.

 

Temas: CATALUñA
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 7 comentarios

6 anonimo

Haberá manifas pero moi pequeñas. As " mais de trinta organizacións" convocantes son todo a mesma xente con nomes diferentes.

5 Freixo

O tr0ll fascista com vários nicks excretando pola sua boca o que expele por outro buraco do corpo.

1 Mundo lusista

Tes que explicar ese concepto, sae pola boca e por atrás simultaneamente?

4 Ejjj que vamos

E que fagan máis, cada manifa é un escano máis para o PP.

3 Fernando G

En el PP gallego se frotan las manos con estas convocatorias. Otra mayoría absoluta más para el PP, y de remate, ya tenemos sustituto para Mariano: Alberto Núñez Feijóo, que de haber elecciones en 6 meses, no baja de los 180 escaños.

2 a tope

Na última manifa eran 200. Na vindeira serán 150, sempre que non xogue o Madrí ou o barsa que entón serán 75. Pero Galiza está a tope con Catalunya e tal