Centos de persoas concéntranse en Galicia para pedir diálogo no conflito catalán
Mobilizazións nas principiais cidades convocads polo movemento 'Parlem, Hablemos'.
Por E.P. | SANTIAGO DE COMPOSTELA | 07/10/2017 | Actualizada ás 13:56
Centos de persoas concentráronse na mañá deste sábado fronte aos concellos de varios municipios galegos para reclamar unha solución a través do diálogo ao conflito aberto en Cataluña. A convocatoria, baixo o nome de 'Parlem, Hablemos', difundiuse a través das redes sociais e, ao longo da mañá deste sábado, reproduciuse fronte aos concellos de moitas localidades de toda Galicia e do Estado.
En Santiago de Compostela, ataviados con roupa branca e sen bandeiras, unhas duascentas persoas exclamaron na Praza do Obradoiro que "España é mellor que os seus gobernantes".
"Isto non o van a resolver eles", aseveraron os encargados de ler un manifesto no que piden unha solución dialogada ao conflito en Cataluña tras a celebración do pasado domingo do referendo de independencia.
Así, fixeron un chamamento "desde o amor e a fraternidade" para que tanto o Goberno español como o Govern catalán senten a negociar en base ao "respecto e o entendemento". Deste xeito, piden que non se utilicen as leis "para xerar un conflito civil".
No acto participou a coordinadora nacional de Esquerda Unida e deputada por En Marea no Parlamento galego, Eva Solla, que, en declaracións aos medios, pediu que se avance na creación "dun escenario no que os cataláns e as catalás poidan votar sen as presións que se deron o pasado domingo".
As mostras de apoio ao diálogo reproducíronse en todo o territorio galego.
