Reaccións en Galicia á crise catalá: Diálogo e máis diálogo

En Marea, PSdeG e BNG destacan a oferta de diálogo de Puigdemont e alertan ao PP de que evite tomar medidas punitivas. O PPdeG evita pronunciarse ata saber “que é o que se aprobou”.

Por Xurxo Salgado | Compostela | 10/10/2017 | Actualizada ás 21:58

Comparte esta noticia

Todos os grupos da oposición en Galicia valoraron a oferta de diálogo realizada este martes polo presidente catalán, Carles Puigdemont, ao Goberno español e a outras institucións europeas para resolver a crise aberta en Cataluña tras o referendo de independencia celebrado o pasado 1 de outubro. Un diálogo sobre o que, polo momento, o PPdeG evita pronunciarse á espera de saber en que consiste a proposta do presidente catalán.

Manifestación en Lleida no día de folga xeral en Cataluña tralo referendo de independencia
Manifestación en Lleida no día de folga xeral en Cataluña tralo referendo de independencia | Fonte: Miguel Núñez.

“O que pasou hoxe é unha oportunidade para o diálogo e non hai que desaproveitala”, destacou o líder de En Marea, Luís Villares, en declaracións a GC. Así, lembrou que esta postura de dialogar para solventar a crise institucional, política e social que vive Cataluña “é a que leva defendendo en Marea desde hai tempo”. “E iso non quita que apoiemos, como tamén o facemos para Galicia, o dereito a decidir”, indicou.

"Queremos un referendo con todas as garantías, para que todo o mundo se poida sentir cómodo e para ter unha foto nítida da vontade popular", dixo apelando ao acordo para a celebración dunha nova consulta con garantías. 

Por iso, Villares advertiu ao Goberno español a que non se enroque nunha postura de non falar e “non tender a man” á Generalitat. “Houbo un movemento moi interasante que é a posiblidade dunha saída dialogada. Agora o Estado ten que saír do seu inmobilismo e non é o momento de medidas coharcitivas. Puigdemont e o pobo catalán fixeron unha oferta clara de diálogo e hai que escoitalos”, sinalou.

O "máis sensato"

Tamén o voceiro parlamentario do PSdeG, Xaquín Fernández Leiceaga dixo que a apelación ao diálogo do presidente Puigdemont foi o “máis sensato” que puido facer. Non obstante, tamén recoñeceou o “confuso” das súas declaracións. “Supoño que afectaron na súa decisión os acontecementos das últimas horas, coa manifestación do domingo e a fuga de empresas”, indicou en declaracións a GC. 

Xornada de folga xeral en Cataluña tralo referendo de independencia
Xornada de folga xeral en Cataluña tralo referendo de independencia | Fonte: Miguel Núñez.

En todo caso, recoñeceu que a súa apelación ao diálogo “non é nada clara”, porque “non hai prazos, nin vías concretas, nin interlocutores, nin nada”. “Se quere dialogar pode utilizar o Parlament. Se quere reformar o Estatut pode facer unha proposta desde o Parlament e mandala ao Congreso. Esa é a mellor vía”, indicou ao suliñar que a legalidade da proposta do president é “moi, moi discutible”. 

“Agora o que haberá que facer é intentar esgotar as vías de diálogo e tomar o ofrecemento que fixo e tentarlo atraer a un espazo da legalidade, pero senón é así pois o goberno ten a defender a legalidade”, engadiu.

Pola súa banda, o BNG reaccionou á comparecencia de Carles Puigdemont mostrando o seu recoñecemento á "lexitimidade democrática das decisións e acordos do Parlamento" de Cataluña e instou ao Goberno central a iniciar un "diálogo político".

BNG e Anova

Nun comunicado emitido tras a intervención de Puigdemont, o Bloque recoñeceu "a lexitimidade democrática das decisións e acordos do Parlamento catalán, espazo da representación política soberana do pobo de Cataluña".  O BNG chamou a "sumar voces e opinións" desde a sociedade galega "en favor do diálogo e dunha resolución pacífica e democrática do conflito político aberto". "Sempre desde o recoñecemento pleno do dereito a decidir e da plena capacidade para exercer na práctica ese dereito", subliñou.

"Consecuentemente", reclama que acepte "o dereito das nacións" que hoxe forman "parte del a decidir e a exercer, no seu caso", a "plena autodeterminación". "De non facelo, o problema político de fondo, lonxe de resolverse, agravarase", avisa.

Pola súa banda, Anova lembrou que o 1-O demostrou a "baixa calidade democrática do Réxime do 78”. Por iso, reprobou a actitude "irresponsábel e ultra de Feijoó que saltándose o seu papel institucional se adicou a crispar en vez de adoptar un rol pacifista". Desde Anova denunciaron que se aproveitou o procés para atacar dereitos e liberdades e recortar os dereitos civís de toda a cidadanía no estado.

“Unha vez escoitada a iniciativa de diálogo proposta hoxe, cremos que non ten ningunha razón de ser a posíbel tentación do estado de camiñar cara cara un estado de excepción, aplicar o 155 ou insistir na criminalización da decisión do pobo de Catalunya. A vía autoritaria é tan só a expresión do fracaso do Goberno de Rajoy para enfrontar a crise política do Réxime do 78", suliñou nun comunicado.

PPdeG

Os populares galegos evitaron, polo momento, pronunciarse sobre as palabras de Puigdemont. “Primeiro temos que coñecer cal é a oferta de diálogo e, sobre todo, o que queren firmar e quen o firma”, indicaron fontes oficias deste partido a GC sobre a suposta declaración de independencia de Cataluña.

Durante a mañá deste martes, o voceiro parlamentario do PPdeG, Pedro Puy,  admitía que a "esperanza" de que se poidera normalizar a situación era "máis feble cada hora que pasa", xa que "parece" que as decisións encamiñadas a "forzar ao máximo a alteración da orde constitucional" xa estaban "adoptadas". 

Xornada de folga xeral en Cataluña tralo referendo de independencia
Xornada de folga xeral en Cataluña tralo referendo de independencia | Fonte: Miguel Núñez.
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 22 comentarios

5 19 de xullo do 36

no 36 nas xornadas do 19 de xullo pararon os de dereitas coas armas na man, si ides falar cun burro tede sempre un pao na mao... os militares golpistas de dereitas fascistas e expañolentos pagados por nazis querían dominar Barcelona e meteron artillería tirada por cabalos por ruas estreitas da cidade, a policía tiña repartido armas entre os traballadores (xentes de cnt-fai) e comenzaron a loita detendo as columnas facciosas que avanzaban... quedou todo cheo de cabalos mortos e de militares fascistas ... o heroísmo do pobo foi moito loitaron contra o facismo loitaron contra militares expañolentos! as dereitas morreron como cans adoecidos creo que 400, outros moitos foron presos... - https://es.wikipedia.org/wiki/Golpe...

1 vryheid

e despois os anarquistas fixeron que a república perdera a guerra ao tentar facer a revolucion e a guerra ao mesmo tempo.

2 Finezza

Esa e unha opinion moi particular tua. Non liches a Orwell e o seu Homenaxe a Cataluña? Mais ben foi o estalinismo quen contribuiu a desmobilizar coas suas purgas. Por iso os comunistas autoproclamados verdadeiros odian a esquerda catala e comparten os topicos da dereita centralista. Persegueos o fantasma de Nin.

4 Arturo

O secto independentista non vai querer aceptar una terceira vía, un sistema de cupo, ou un novo estatuto, ou un estado federal. So aceptan a independencia. Dese xeito, non pode existir ningún diálogo. ¿ Sobre qué se ía poder dialogar ?

1 Failde

Sobre as normas para celebrar un referendo, libre, democrático e con garantías, onde o pobo catalán decida libremente o seu futuro. Paréceche pouco? Ou prefires impedilo pola forza?

2 vryheid

cando un povo quere a independència, quere a independència, non unha terceira via, o diálogo neste sentido é pactar esta independència.

3 galegoexiliado

Los tanques, Mariano, los tanques. Escoita a Rivera a Jimenezlosantos Mariano. Los tanques, la carcel y las tapias de Montjuic Mariano, que te se suben a las barbas y te dan un jolpe de estado y no te enteras Mariano. Pon en marcha la operación Paso del Ebro, déjalos actuar y a por ellos oeoeoé Mariano. España mañana será o no será mariana.

1 Finezza

Vaille ser mellor a el e case que a nós escoitar a este señor: http://www.lavanguardia.com/politic... Sabedes aquel da prima de riesgo e tal? Paz e diálogo. De todos os xeitos insisto, os galegos non nos debiamos meter en catalanadas diversas... A ver, nunca tiven claro se aprenderon a facer política dos italianos ou os italianos deles... Estiveron tan mesturados nunha época... O avispeiro catalán é duro, mesmo o foi para Fernando II de Aragón... A ver que tal o levan dous políticos de raza coma el: Tusk e a Merkell... Pero ollo, que onte non só se avisou a Pugidemont. Recomendo ler, especialmente aos exaltados, o último parágrafo deste artigo: http://www.dw.com/es/opini%C3%B3n-u... Europa estavos a mirar... Quero dicir Alemaña, quero dicir... E USA disposto a sacar proveito... En realidade a estes cataláns non lles falta finezza...

2 Ñolu

Por moito menos que os delitos da banda de Puigdemont, Tejero xa estaba no cárcere.

1 Ejjj que vamos

Nen un paso atrás ante os golpistas. non queremos outro 36. Non se pode consentir este atropello á democracia vestido de falsas revindicacións. Firmeza e determinación ante os totalitarios nacionalistas e os seus acólitos.

1 Adelante

Totalmente de acuerdo contigo. Harto ya de los nacionalistas españoles que otra vez quieren retrotraernos a un golpe como el del 36. Paremos el chauvinismo español de una vez por todas!