Gardacostas intervén 291 quilos de peixe espada nun control contra o furtivismo en Vigo

Axentes do Servizo de Gardacostas de Galicia, dependente da Consellería do Mar, interveu 291 quilos de peixe espada nun operativo contra o furtivismo desenvolvido no porto do Berbés, en Vigo.

Segundo sinala o departamento de Mar, o peixe comisado atopábase nun almacén dunha empresa de transporte de mercadorías en frío, pero era propiedade dun terceiro.

A mercadoría, explica a Consellería do Mar, que foi entregada ao Banco de Alimentos de Vigo, interveuse xa que "carecía de documentación que avalase a súa legalidade".

Este operativo enmárcase no conxunto dos controis que efectúa diariamente o Servizo de Gardacostas para evitar a extracción e comercialización ilegal de produtos pesqueiros e marisqueiros.