Por E.P. | SANTIAGO DE COMPOSTELA | 21/10/2017 | Actualizada ás 18:08
A Xunta aínda non confirmou cando diñeiro destinará ao seu particular "Plan Galicia", de axuda ás vítimas dos incendios, pero xa está vendendo e publicitando as axudas que dará aos afectados polos lumes. Así, anunciou que habilitará en próximos días ata 100.000 euros para cubrir o 100% do custo das obras de vivendas afectadas pola vaga de incendios en Galicia.
Estas axudas serán complementarias das posibles compensacións económicas que paguen as compañías aseguradoras. Cubrirán as obras de reparación aínda que estas iniciáronse antes da apertura do prazo para solicitar as subvencións.
No caso das vivendas protexidas, o límite máximo do importe da axuda será do 75 do valor establecido no municipio correspondente. Para a reparación de vivendas ocasionais haberá axudas de ata 40.000 euros, mentres que as construcións anexas e enxoval doméstico recibirán uns 3.000 euros en ambos os casos.
LIÑA AO ALUGUER
Así mesmo, o Goberno galego abonará ata 450 euros de renda para pagar o aluguer da vivenda na que se reacollan tanto propietarios como inquilinos de fogares queimados.
Esta liña de aluguer será durante dous anos a consecuencia do abandono da vivenda habitual polos lumes. Tamén haberá unha axuda extraordinaria de 600 euros para formalizar a fianza e as altas das subministracións.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.