A revista Forbes recolle o desastre que os lumes provocaron nos viñedos de Albariño
Destaca que se queimaron viñas de Bodegas Marques de Vargas e Señoría de Rubiós e que hai danos en viñedos con uvas autóctonas de gran calidade. Con todo, apunta que 45 galegos morreron nesta vaga de lume, ao sumar tamén aos falecidos e Portugal.
Por Galicia Confidencial | Vigo | 22/10/2017 | Actualizada ás 10:00
"O 15 de outubro, as lapas provocaron medo e terror a 30.0000 persoas que viven preto a fronteira con Portugal, e tamén ás bodegas da área de Vigo, a cidade con máis poboación de Galicia". A revista Forbes recolle nun artigo a virulencia dos lumes desta semana en Galicia e, especialmente, os efectos que terán na economía galega, principalmente, na vitivinícola.
Así, apunta que se queimaron viñas de Bodegas Marques de Vargas e Señoría de Rubiós, no concello de As Neves, e que hai danos en viñedos con uvas autóctonas de gran calidade, como o Pedral e o Sousón. "Viñedos de Albariño e Treixadura tamén sucumbiron aos lumes", apunta.
"O dano en Señoría de Rubiós extendeuse tamén aos traballadores e aos pequenos adegueiros, danando as súas casas, animais e coches. Un voceiro díxolle a drinksbusiness que é moi cedo para saber os danos nos viñedos, pero suliñou que serán moi importantes", recolle Forbes.
Con todo, a información sinala que os 45 mortos que houbo na vaga de lumes de Galicia e do Norte de Portugal son galegos, cando no país galego só se produciron catro mortos.
