A declaración de independencia de Cataluña, entendida de dous xeitos distintos en En Marea
Dirixentes de Anova expresan en Twitter o seu apoio á República Catalá, mentres que dende Podemos Galicia e Esquerda Unida critican por igual a independentistas e Goberno central.
Por Galicia Confidencial | Santiago de Compostela | 27/10/2017 | Actualizada ás 17:56
Nunca o disimularon. Aínda que En Marea no Congreso dos Deputados sempre se puxo do lado de Podemos no seu posicionamento sobre o conflito catalán, estando en contra da declaración de independencia unilateral, pero también da reacción do Goberno de Rajoy, en Galicia o conto cambia, porque aquí Anova, Podemos Galicia e Esquerda Unida, malia estar integradas no partido instrumental, manteñen posturas moi distintas. E isto evidenciouse na tarde deste ventes en Twitter.
Líderes das formacións que integran En Marea expresaron nas súas contas nesta rede social o seu parecer sobre a declaración da República Catalá.
Dende Anova, tanto o histórico Xosé Manuel Beiras como o portavoz nacional desta formación, Antón Sánchez, ou Antón Dobao, expresaron o seu apoio ao Estado independente declarado no Parlament catalán con 70 votos dos 135 posibles.
Estamos coa democracia e coa República.https://t.co/7sdoLm3Afc
— Antón Sánchez García (@AntonSanchezG) 27 outubro 2017
Non sei como se materializará, pero se o Parlamento de Cataluña proclama a República, eu estou coa República.
— Antón Dobao (@AntonDobao) 27 outubro 2017
Defendela e acompañala. Xa.
Son solidario co valente povo catalán en loita democrática pola independencia fronte ao fascista poder do EE. Visca Catalunya Lliure!!
— Xosé Manuel Beiras (@xmBEIRAS) 27 outubro 2017
En contraste con esa euforia e ledicia mostra polos dirixentes da formación nacionalista Anova, Carmen Santos, dende Podemos Galicia, e Eva Solla e Yolanda Díaz, dende Esquerda Unida, lanzaban mensaxes de tristura e críticos tanto cos independentistas cataláns como co Goberno de Rajoy.
Moi triste mirando a Cataluña. A declaración unilateral de independencia só favorece a estratexia do PP para reprimir ás maiorías sociais 😥😥
— Carmen Santos Q. ✊🌊 (@CarmenSantosQ) 27 outubro 2017
Tristeza.Dóenos Cataluña, dóenos España,dóenos a maioría social ,sobre todo d Gz q están lonxe d divisiòn.Malditos irresponsables!@En_Marea pic.twitter.com/QNmVixheXi
— Yolanda Díaz (@Yolanda_Diaz_) 27 outubro 2017
Que tristeza... #155 e #DUI o triunfo da incapacidade de diálogo. O pobo perde, sempre polo medio.
— Eva Solla Fernández (@eva_solla) 27 outubro 2017
Así se evidenciou, unha vez máis, que no proxecto En Marea hai sensibilidades moi distantes no que se refire ao autogoberno de Galicia, o papel do Estado e o seu modelo autonómico e os procesos soberanistas.
