Por E.P. | SANTIAGO DE COMPOSTELA | 31/10/2017 | Actualizada ás 12:18
Galicia situouse en 2015 como a segunda comunidade autónoma na que os seus habitantes xeran maior número de residuos per cápita, só superado polos habitantes de Illas Baleares.
Concretamente, segundo o último estudo do Instituto Nacional de Estatística (INE) publicado este martes, os galegos xeraron 622,3 quilos por persoa ese ano, por detrás dos baleares, que crearon 800,6 per cápita.
En total, Galicia contabilizou 1,7 millóns de toneladas de residuos ao peche de 2015, dos 22,2 millóns de toneladas de todo o Estado, unha cifra que supuxo un incremento do 48,9% fronte a 2014, cando esta quedou en 1,14 millóns toneladas.
A autonomía que maior número de residuos xerou en 2015 foi a de Andalucía, con 4,2 millóns toneladas; mentres que a que menos residuos contabilizou foi La Rioja, con 126.900 toneladas.
Por tipoloxía de residuos, en Galicia recolléronse en 2015 un total de 32.600 toneladas de papel e cartón; 39.700 toneladas de vidro; 22.100 de envases mixtos e 1,4 millóns de toneladas de residuos mesturados.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.