Os promotores de Porto Cabral: “Os que o critican serán os primeiros en poñerse á cola para pedir traballo”

O presidente dos comuneiros advirte a PP e PSOE de que non apoiar Porto Cabral "é non querer facer nada por Vigo". Garante que o monte comunal "non corre risco" e, aínda con Porto Cabral, terá máis superficie que hai uns anos.

Por Galicia Confidencial | Vigo | 07/11/2017 | Actualizada ás 17:51

Comparte esta noticia

O presidente da Comunidade de Montes de Cabral, Luís Rodríguez, un dos principais defensores do proxecto Porto Cabral, en Vigo, volve saír en defensa desta iniciativa empresarial. E faino con contundencia. “Os que forman a minoría que se opón a Porto Cabral serán os primeiros en porse á cola para beneficiarse dos empregos”, dixo ao tempo que lamentou as "perogrulladas" e "intoxicacións" dos críticos con esta iniciativa.

Terreos onde se ubicaría Porto Cabral, en Vigo
Terreos onde se ubicaría Porto Cabral, en Vigo

Así, e con respecto ao grupo de comuneiros que se opoñen a 'Porto Cabral', o presidente da xunta reitora insistiu en que son "minoría" e que "non se pode dicir que a Comunidade de Montes estea en contra. É máis, suliñou que a directiva é a primeira promotora desa campaña de recollida de firmas". Así, descualificou os argumentos que utilizan os opositores para criticar o proxecto, e asegurou que "nunca" coñeceu unha iniciativa que fose máis "pública, explicada e transparente". 

Ademais, xustificou a posición da directiva comunal, e lembrou que, se existen os terreos para uso comercial, "o menos que se podía facer era sentar a negociar", que foi o que fixo a directiva. Nesa liña, afirmou que, nese espazo, "está prevista a expropiación forzosa" cando se desenvolva, e para lograr o acordo máis beneficioso, a Comunidade de Montes pactou un prezo de 40 euros por metro cadrado, moi superior á media do prezo en expropiacións dese tipo.

ASEMBLEA POLÉMICA

Rodríguez tamén se referiu á polémica asemblea celebrada en novembro de 2013 (despois de ser aprazada por incidentes cos comuneiros críticos). Segundo precisou, o que se someteu a votación nesa reunión foron "as condicións" que a xunta reitora pactou con Intu (o prezo das expropiacións, a reposición de servizos, o acondicionamento dun lugar alternativo para a Romaría do Pan de Millo, etc.), e non se os comuneiros estaban a favor ou en contra de Porto Cabral. En todo caso, o pasado verán, o Xulgado de Primeira Instancia número 3 de Vigo ordenou rexistrar a sede dos comuneiros para localizar a documentación que xustifique o gasto de case tres millóns de euros en terreos. 

Imaxe idílica do que sería o proxecto Porto Cabral, de realizarse
Imaxe idílica do que sería o proxecto Porto Cabral, de realizarse

Sobre isto explicou que a previsión de ingresos por esas 30 hectáreas de monte é de entre 11 e 13 millóns de euros, dos que o 40 por cento, como é preceptivo, destinarase "a adquirir patrimonio e xerar emprego". Ademais, defendeu a xestión da xunta reitora desde que el a preside, e destacou que, nos últimos anos, o patrimonio de solo forestal comunal creceu en 55 hectáreas, á vez que lembrou que, por lei, a entidade está obrigada a reinvestir no monte o 40 por cento dos seus ingresos.

Pero a pesar do megaproxecto, insistiu que a Comunidade de Montes terá máis superficie que hai 18 anos. "Imos defender o monte por encima de todo. Non corre ningún risco, porque aínda quedarían 25 hectáreas máis de terreo forestal que cando eu cheguei", insistiu. Por iso criticou a vinculación "intencionada" que se fixo dos incendios do 15 de outubro co desenvolvemento de Porto Cabral.

APOIO DE PSOE E PP

Ante a oposición de unha gran parte de comuneiros, de veciños, de entidades sociais, culturais e ecoloxistas de Vigo, e de En Marea e BNG, Luís Rodríguez expresou a súa confianza en que "algún dos partidos maioritarios" na Cámara galega asuma a proposición non de lei de iniciativa popular en favor do macrocentro comercial. "Se non fóra así, significaría que nin PP nin PSOE queren facer nada por Vigo".

Nunha entrevista a Europa Press, Rodríguez lembrou que está a piques de finalizar unha campaña de recollida de firmas, que conta con máis de 60.000 apoios, e lembrou que o proxecto supón un investimento "privado" de 600 millóns de euros para a parroquia e para a cidade, a creación duns 4.000 empregos directos.

Con respecto á manifesta oposición que proclamaron BNG e En Marea ao proxecto, Luís Rodríguez lembrou que o sector de Liñeiriños, onde se instalaría Porto Cabral, foi deseñado e encadrado no Plan Xeral por un goberno municipal nacionalista, polo que ve "incoherente" a posición do BNG. En canto a En Marea, lamentou que non teñan "ningún proxecto de interese" para a cidade olívica e, en todo caso, subliñou que os defensores do proxecto de Intu levan recollidas "máis firmas que votos tiveron Marea e BNG xuntos" na cidade.

PLAN B

O presidente dos comuneiros de Cabral recoñeceu que "non hai un plan B, de momento", no caso de que a iniciativa non prospere na Cámara galega. Se non sae adiante o proxecto, sinalou, "habería que esperar a un novo Plan Xeral, sería lamentable porque seguramente, cando estea listo, os investidores xa non estarán aí".

A ese respecto, lembrou que os promotores de Porto Cabral "levan esperando desde 2013" e, aínda que ratificaron o seu interese por instalarse en Vigo, "ofrecéronlles parcelas noutros sitios próximos". Se a iniciativa non prospera, engadiu, a cidade "perdería unha oportunidade de ouro de ter un investimento forte, como non hai en toda Galicia e como poucas en España".

Presidente da Comunidade de Montes de Cabral, Luís Rodríguez
Presidente da Comunidade de Montes de Cabral, Luís Rodríguez
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 14 comentarios

2 xandocan

Penosa a postura da Marea e do BNG, todo o que sexa postos de traballo sempre que non supoñan unha enorme contaminación ou desfeita ten que ser apoiado e defendido, a defesa dos sectores productivos galegos e de inversions de fora debe ser o seu principal obxetivo para que os xovens non teñan que emigrar, a sua postura lembra a cando se opuñan a Autoestrada do Atlantico. Asi como pensan gañanr nunca unas eleccions?

1 Gamela

Nunha cousa sí estou de acordo co Presidente da Comunidade de Montes, ata hoxe nin En Marea nin BNG deron a coñecer proxecto algún para manter ou potenciar o Patrimonio Natural en Cabral (agás chegar a acordos co AeroClub para establecer alugueiros por 50 anos, para que algúns privilexiados sigan xogando ao golf...) ? Outra cousa sería que Vigo fose unha cidade defensora do Monte e do Medio Natural... pero en Vigo chegaremos a ter losetas mesmo no monte do Galiñeiro se ninguén move o cú para mudar as políticas do Caudillo Local !!! https://twitter.com/Gamela2017/stat...

1 Gamela

Por se alguén dubida do que digo, aquí deixo a última espantada da Marea de Vigo cando está chegando o inverno e centos de persoas quedarán na rúa outro ano máis... Acampada contra a Pobreza seica levan 260 días agardando que o alcalde os reciba... Pero os señoritos da Marea de Vigo non se dignan sentar no Consello Social ... https://www.noticiasvigo.es/marea-v... O mundo ao revés...!

2 Gamela

Aquí tedes do que falaron no CES de Vigo mentras a Marea de Vigo estaba ausente (de cañas) http://www.atlantico.net/articulo/v... Para non afearlle o acto a Abel Caballero nin siquera comparecen... non vaia a ser que se cabree que os deixe sen soldo ?

3 Vigués

Está ben criticar, si señor....pero que propós ti Gamela?. Porque dá gusto o que botas por esa boquiña túa contra o BNG que é o único que fixo algo en Vigo, pero propostas construtivas, 0. Cal é a túa proposta para Cabral, facer o megaproxecto (acaso tes intereses?), e a túa proposta para a Acampada contra a Pobreza, e a túa proposta para facer de Vigo unha cidade máis social?.

4 Gamela

Se repasas con atención verás que son moi crítico coa Marea de Vigo, pero co BNG malamente xa que nas últimas eleccións quedou fóra do Concello con 5.000 votos ! Respecto da Acampada contra a Pobreza DÁ NOXO ver que ninguén saca o tema diante do Alcalde !!! Cómo é posible que non se houberan presentado 10 mocións (unha por mes) para instar ao Caudillo Local a RECIBIR aos acampados ??? Sobre Porto Cabral habería que mirar con LUPA o tema antes de dicir parvadas! Pero todos sabemos que en Vigo OS SILENCIOS son CÓMPLICES da política da Alcaldía !!! E Marea de Vigo leva moito tempo en Silencio !!!

5 Gamela

Vigués, estas liñas igual ilustran mellor a miña posición respecto da política local... https://www.noticiasvigo.es/opinion... Saúde