O xogador Julio Alberto: “Están máis interesados nas bandeiras independentistas que nas vítimas dos incendios en Galicia”
O histórico futbolista do Barça, ata agora colaborador co club nas escolas de formacións, anunciou que abandona o equipo e Cataluña pola “intervención crecente da política no club”.
Por Galicia Confidencial | Barcelona | 08/11/2017 | Actualizada ás 10:53
"Non somos un partido político, estamos nun club de fútbol, pero as persoas que están á fronte xa se politizaron”. É a razón do histórico xogador de fútbol do Barça, Julio Alberto, para deixar este club e abandonar Cataluña.
A decisión final adoptouna, dixo, a pasada fin de semana cando o Camp Nou se converteu nun clamor contra a prisión dos membros do Govern e os dous presidentes da ANC e Òmnium Cultural, aos que consideran presos políticos.
“Atopo imperdoable que o outro día no Camp Nou estábase máis interesado en amosar bandeiras independentistas antes que de render homenaxe ás vítimas dos incendios en Galicia, da miña terra Asturias ou de Portugal. É unha falta de respecto", dixo.
Julio Alberto, que xogou no club nos anos 80 e logo tivo graves problemas coas drogas dos que saíu, en parte, grazas á axuda do club blaugrana, decidiu deixalo, agora, por cuestións políticas. "Isto era a miña casa, pero marcho buscar un traballo fóra de Cataluña. Regreso en Asturias", engadiu este martes nunha entrevista en 'Antena 3'.
