A CORUÑA | 14/11/2017 | Actualizada ás 15:20 por EUROPA PRESS
Abanca lanzou a nova Cuenta Clara desde o móbil, coa que permite que calquera persoa poida facerse cliente, abrir unha conta en cuestión de minutos e empezar a operar ao instante.
Na Coruña, o director de Innovación de Abanca, Eduardo Aldao, e o xerente de Abanca Dixital, Javier Díaz, presentaron aos medios de comunicación o novo servizo da entidade financeira para facerse cliente.
O novo produto baséase nun innovador procedemento de verificación da identidade do cliente mediante o recoñecemento facial e unha chamada por videoconferencia.
Este novo servizo, exclusivo para novos clientes online, "permite abrir unha conta en menos de dez minutos", sinalou o xerente de Abanca Dixital, que explica que este produto aforra tempo aos clientes e permite facer xestións desde calquera lugar.
POTENCIAR A DIXITALIZACIÓN
A condición é que o cliente contrate esta conta, sen gastos nin comisións, a través da canle online do banco. A intención da entidade é potenciar a dixitalización. Só se necesita o documento de identidade e cobertura para facer unha videochamda.
O interesado só terá que descargarse a aplicación móbil de Abanca, seleccionar que aínda non é cliente e seguir os seguintes pasos: capturar o seu DNI, encher os datos, responder a unha videoconferencia e verificar o proceso por email.
É un sistema, di Aldao, que "combina tres factores complexos: experiencia de cliente, seguridade e regulación".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.