Por E.P. | SANTIAGO DE COMPOSTELA | 15/11/2017 | Actualizada ás 15:09
O busto do ex-presidente Manuel Fraga situado na Alameda de Vilalba (Lugo) desapareceu e activouse unha investigación para tratar de localizalo e identificar os autores do roubo, que se produciu esta madrugada.
Segundo fontes da Garda Civil e da Policía local, foron uns operarios do Consistorio os que alertaron de que a estatua, construída en bronce, non estaba.
Esta non é a primeira vez que desaparece na localidade lucense o busto de Fraga, que en ocasións anteriores foi recuperado e reposto no seu lugar.
Ademais, a estatua sufriu numerosos ataques. En marzo deste mesmo ano apareceron pintadas no busto e tamén na fachada da casa natal do ex-presidente, situada na céntrica Rúa da Pravia de Vilalba.
En xuño de 2016, o busto e o pedestal sobre o que se atopa na Alameda foron derrubados.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.