Guerra reparte a dedo 350.000 € entre certos xornais coa escusa do I+D

Economía segue a aumentar o gasto en propaganda sobre a innovación, ás veces mediante empresas de militantes do PpdeG, mentres reduce o investimento real en investigación.

Por Walter Burns | O Irixo | 01/12/2010 | Actualizada ás 10:25

Comparte esta noticia

O retorno do PpdeG ao poder veu acompañado dunha caída do 10% do investimento galego en I+D, segundo proban os datos oficiais do INE. Porén, a Consellería de Economía está a aumentar o gasto entre propaganda en certos medios coa escusa de promocionar a importancia da innovación.

None

GC xa informou que a Consellería de Economía gastou máis de 595.000 euros en anuncios sobre o I+D a través de Canal Uno de Comunicación. Trátase dunha axencia da que é copropietario o compañeiro de partido do conselleiro Javier Guerra, Juan Francisco Martínez Herrera Escribano, número 3 do PP vigués.

Agora Galicia Confidencial revela que, ademais dos anuncios, Economía acaba de subvencionar a dedo polo menos a tres xornais.

Cifras do reparto

O conselleiro firmou tres convenios con El Progreso de Lugo (100.000 euros); Editorial Compostela (100.000 euros) para a editora de El Correo Gallego e Galicia Hoxe) e La Región de Ourense (150.000 euros) o 14 de outubro.

None

Os convenios son un xeito de dar axudas sen concurso, publicidade ou competencia. A diferenza das axudas vía DOG, non dependen dun baremo obxectivo, senón do criterio de cada conselleiro. Por exemplo, nesta quenda de convenios Guerra non ten porque explicar porque escolleu a eses tres diarios e ignorou a outros con tiradas superiores.

Un xeito de influír nas liñas editoriais

Tanto o Colexio como o Sindicato de Xornalistas teñen denunciado en múltiples ocasións esta práctica, común en todos os executivos dende a era Fraga, pois evidentemente condiciona a independencia das cabeceiras.

Por exemplo, entre os motivos alegados pola Xunta para repartir estes 350.000 euros están “promover un maior recoñecemento social dos ámbitos nos que ten competencias a Consellería de Economía e Industria”.

 

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 18 comentarios

10 manolitotocaelpito

portugal ten....ESPAÑA NON TEN!!!!!

9 unlector

Q ben!! os fachas non precisan nen réplicas nen comentarios! Asi aillados xa se definen eles! parabens por ignorar este tipo de xente nos comentarios.

8 Que nojo 2

Haveria que poder ir contra esta gente polo penal, por prevaricação, por condenar à investigação galega à indigência e a fame e por promover a emigração em massa de tanto científico jovem que está a perder as ilusões com este país. E para colmo, a Universidade de Santiago de Compostela decide não contratar (isto é despedir por não renovação) a aqueles investigadores e técnicos de investigação (um colectivo de perto de 1000 pessoas, nos que descansa em grande medida a investigação da USC) que já estiveram contratados a cargo de projectos durante mais de três anos, não vaia a ser que os ampare alguma lei laboral. Vai passar algo neste país, ou seguiremos como se nada?

7 Que nojo 1

Nesta ligação do web Direcção Geral de i+d+i, a partir da página 8, aparecem numa denominada "Lista de Agarda" 58 projectos de investigação básica, apresentados na convocatória deste ano ante a Conselharia de Indústria por outras tantas equipas de investigação. Estes são projectos que receberom uma avaliação positiva, onde os que os grupos que os apresentarom fôrom considerados cientificamente solventes. Porém, ficam na "lista de agarda", isto é, que a nossa Junta de Galicia" considera que não há dinheiro para os financiar (possivelmente com gastar um milhão de € mais seria avondo para financiar a uma grande percentagem ou a todos). Polo tanto, todos estes grupos de investigação seleccionados, ficam sem poder investigar. Já sabemos a onde está indo a parar este dinheiro (e bastante mais): à propaganda.

6 raul

e isto porque non é delincuencia?

1 español

No es delincuencia, ignorante, es gestión

2 un calquera

Máis ben é d+xestión é dicir dixestión dos fondos públicos.