SANTIAGO DE COMPOSTELA | 18/11/2017 | Actualizada ás 20:09 por EUROPA PRESS
O Espazo Ecosocialista, corrente interna de En Marea, acordou a súa disolución ao considerar que xa non ten "finalidade práctica" tendo en conta que considera que o partido instrumental "xa é o proxecto de cambio que Galicia necesita" e en cuxa consolidación "deben colaborar todas as persoas".
A decisión foi alcanzada pola V Asablea Nacional do Espazo Ecosocialsita, que animou aos seus xa exmembros a incorporarse a En Marea tendo en conta que entenden que a "lóxica de unidade de trincheiras de parte" debe dar un paso á "cooperación entre iguais".
Así mesmo, o Espazo Ecosocialista erixiu á correntes Marea Aberta e Foro Galego en "elementos centrais" para "axudar a consolidar os acordos tomados democraticamente pola asemblea fundacional e os dous plenarios" de en Marea.
Nun comunicado remitido aos medios, o Espazo Ecosocialista lembra que naceu con "data de caducidade" consciente de que, "nun proceso longo e complexo de tránsito cara a unha nova democracia, os instrumentos políticos ían sufrir mutacións e mesmo a ser substituídos por novas ferramentas".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.