Suspendido o transporte de ría entre Vigo e Cangas ao entrar o temporal en Galicia con máis de 250 raios

O transporte de ría entre Vigo e Cangas e Moaña foi suspendido desde as 17,30 deste martes debido ao temporal que entrou na Comunidade galega e que, até pasadas as 18,00 horas, deixou máis de 250 raios.

Segundo informaron a Europa Press fontes das navieiras, o transporte regular, que afecta o transporte de persoas a ambos os dous lados da ría viguesa, quedou suspendido até novo aviso.

No que vai de día, contabilizáronse máis de 250 raios na Comunidade galega. Ademais, Cedeira rexistrou un refacho de 127 quilómetros por hora.