Temas: ABANCA

Recoñecemento para case 200 empregados con máis de 25 anos de traballo nas caixas galegas

O propietario de Abanca, Juan Carlos Escotet Rodríguez, o conselleiro delegado, Francisco Botas, e outros membros do Comité de Dirección entregaron directamente insignias aos homenaxeados.

Por Galicia Confidencial | Pontevedra | 24/11/2017 | Actualizada ás 20:53

Comparte esta noticia

ABANCA recoñeceu esta tarde, mediante a entrega de insignias conmemorativas, a traxectoria profesional de 196 empregados que en 2017 cumpren 25, 30 o 35 anos de servizo. O acto, celebrado en Pontevedra, contou coa presenza do presidente da entidade, Juan Carlos Escotet Rodríguez; o conselleiro delegado, Francisco Botas, e outros membros do Comité de Dirección da entidade.

Foto de familia de todos os empregados e empregadas de Abanca recoñecidos polos seus anos de traballo
Foto de familia de todos os empregados e empregadas de Abanca recoñecidos polos seus anos de traballo

Os case 200 empregados distinguidos este ano por ABANCA (51 da Dirección Territorial da Coruña, 50 da DT Vigo, 33 da DT Pontevedra, 19 da DT Ourense, 15 da DT Lugo, 15 da DT Santiago, 12 da DT España e 1 da DT Asturias/León) suman no seu conxunto máis de 5.500 anos de experiencia profesional na entidade financeira galega. A maioría traballa na rede comercial de ABANCA, aínda que entre os premiados figuran tamén profesionais que desempeñan funcións en áreas de servizos centrais e outras empresas do grupo.

Os galardoados recibiron de mans dos principais directivos da entidade as insignias conmemorativas en recoñecemento aos seus 25, 30 ou 35 anos de dedicación. Durante o acto, os homenaxeados estiveron arroupados polos seus familiares, así como por responsables das distintas direccións territoriais, rede comercial e capital humano da entidade.

“FIDELIDADE”

Durante o acto, Juan Carlos Escotet agradeceu en nome da entidade a “fidelidade, dedicación e afouto” demostrados polos empregados homenaxeados ao longo do seu amplo percorrido profesional no banco. “Co voso esforzo, firmeza e desempeño, e grazas ás relacións de confianza que cimentastes ao longo dos anos cos nosos clientes, convertéstesvos en parte cardinal deste banco das persoas e para as persoas que é ABANCA”, manifestou.

Pola súa banda, Francisco Botas tamén destacou a “lealdade, esforzo, coraxe e saber facer” dos galardoados. “Tedes un valor diferencial difícil de substituír porque o voso coñecemento e a vosa experiencia son básicos para fortalecer o noso proxecto de banco; sodes o capital máis valioso que temos para mellorar e para crecer”, subliñou.

Temas: ABANCA
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta