A gripe tamén chega ao Parlamento galego

Desde primeira hora deste martes, varios deputados da Cámara galega acudiron a vacinarse, como o fixeron, entre outros, a socialista Patricia Vilán, a popular Raquel Arias, Manolo Lago (En Marea), ou o nacionalista Xosé Luís '.

Previamente, o presidente do Parlamento de Galicia, Miguel Santalices, visitou, xunto ao conselleiro de Sanidade, Jesús Vázquez Almuiña, o servizo médico da Cámara para interesarse pola campaña de vacinación antigripal e animou á poboación a protexerse deste virus, especialmente, á poboación con risco de complicacións no caso de padecer este proceso vírico..

Así, o presidente da Cámara insistiu en que "o efecto preventivo da vacina é moi elevado" e explicou que, desde o Parlamento foméntanse estas prácticas, porque a Cámara "está sempre a carón dos problemas da sociedade".

Durante a visita de Santalices, foi administrada a vacina a varios deputados da Cámara, nun acto no que tamén participou o director xeral de Saúde Pública, Andrés Paz-Ares Rodríguez.