SANTIAGO DE COMPOSTELA | 14/12/2017 | Actualizada ás 09:35 por EUROPA PRESS
Galicia, xunto coa Rexión de Murcia, rexistrou no mes de novembro o maior incremento na taxa anual dos prezos de consumo, cun 1,8%, o que supón tres décimas máis con respecto ao mes anterior, segundo despréndese da estatística de Índice de Prezos de Consumo (IPC) que publica este xoves o Instituto Nacional de Estatística (INE).
Ademais, os prezos sitúanse por encima da media do conxunto do Estado nunha décima e colocan á Comunidade galega na cima da táboa de maiores subidas, por detrás de Cataluña (1,9%, que permanece invariable)) e Illas Baleares (1,8%, igual que o mes anterior).
No conxunto do Estado, o IPC subiu un 0,5% en novembro respecto ao mes anterior, e elevou unha décima a súa taxa interanual, até o 1,7%. Tanto a taxa interanual como a mensual superan nunha décima os datos avanzados por Estatística a finais do mes pasado (1,6% interanual, 0,4% mensual).
O INE explicou que no comportamento da taxa interanual do IPC de novembro influíron principalmente os prezos das gasolinas e do gasóleo para calefacción.
(HABERÁ AMPLIACIÓN)
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.