SANTIAGO DE COMPOSTELA | 14/12/2017 | Actualizada ás 17:00 por EUROPA PRESS
O BNG pide que se reúna con "urxencia" a Comisión bilateral de seguimento da AP-9 da que forman parte o Ministerio de Fomento e a Consellería de Infraestruturas para "avaliar a situación que se está producindo nas obras da ponte de Rande".
Os nacionalistas galegos lembraron que na madrugada deste xoves producísese un incendio que provocou a rotura dun dos tirantes e afectou a un segundo soporte, "pondo en risco a seguridade dos traballadores e acodes usuarias".
A través dun comunicado, o deputado do BNG Luís Bará esixiu que a comisión de seguimento "extreme as medidas de seguridade para evitar riscos sobre as persoas", e reclamou "iniciar as accións necesarias contra a abusiva subida das peaxes", que pretende --acusou-- "perpetrar Audasa coa colaboración do Ministerio de Fomento" a partir do 1 de xaneiro.
Ademais, o parlamentario do Bloque denunciou as "prolongadas xornadas laborais dos traballadores" en horas nocturnas e "condicións meteorolóxicas adversas".
Neste sentido, advertiu de que o accidente ocasionado esta madrugada "responde o interese da concesionaria de acabar as obras custe o que custe", co fin de "subir a peaxe" o 1% a partir do 1 de xaneiro.
"INTERESE LUCRATIVO"
Por iso, os nacionalistas avisaron de que a concesionaria "prioriza o interese lucrativo" por encima da seguridade das persoas que traballan nas obras de ampliación da ponte de Rande e mesmo dos usuarios da infraestrutura.
Bará denunciou a situación que se está vivindo nas parroquias de San Vicente de Trasmañó e Chapela, no concello de Redondela, polas consecuencias e o impacto negativo das obras polo que pide "implementar canto antes as medidas correctoras necesarias".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.