Denunciado un mozo en Lugo por venda ambulante sen autorización de marisco e peixe

A Policía Local de Lugo interceptou e denunciou a un mozo por venda ambulante sen autorización de marisco e peixe que lle foi intervido nun furgón.

Segundo informa a Policía Local, os feitos sucederon sobre as 17,30 horas do xoves á altura do número 19 da Praza Fonte dos Ranchos, onde foi interceptado D.C.C., de 30 anos, que conducía un furgón con matrícula 5674 HNN.

Esta persona dedicábase á venda ambulante de marisco e peixe, que estaba depositado en canastos e caixas de plástico no interior dun furgón co portón lateral aberto, estacionado na Praza Fonte dos Ranchos, concreta a Policía Local.

As mesmas fontes destacan que esta persona carecía "tanto da guía para transporte de mercadorías como da factura de compra destes produtos". "Os alimentos carecían de etiquetas que indicasen a súa procedencia", apostila a Policía.

En concreto, foron intervidos 14 centolas, dous bois, unha caixa con linguados e unha caixa con fanecas. O vendedor foi denunciado por venda ambulante sen autorización e por infracción na comercialización e transporte de produtos de mar.

A mercadoría intervida foi trasladada en dúas bolsas precintadas ao albergue municipal "para a súa conservación e custodia en cámara frigorífica", matiza a Policía.