Pedro Arias vai de "sobrado" no Parlamento

O profesor coruñés, deputado do PP, volve a ser protagonista dos intres máis polémicos no Hórreo. Hoxe despachou varios ataques persoais de dubidoso gusto e presumiu de ser a “vangarda”.

Por Galicia Confidencial | Santiago | 20/12/2010 | Actualizada ás 21:25

A oposición é un "naufraxio intelectual, ético, político e estético". O Goberno do PP é a “vangarda”. Estes son só algúns dos pasaxes do discurso do deputado Pedro Arias este serán no debate sobre os orzamentos de 2011 da Xunta.

Arias, coñecido no Hemiciclo por ser un dos poucos parlamentarios que usa a miúdo o español e por ter definido ás mulleres dende o estrado como o "sexo oscuro", foi máis aló. Unha vez máis, o político coruñés caeu nas descualificacións persoais.

Ao seu rival no debate Abel Losada díxolle que "non ten currículo profesional". Á oposición “arrogante e insolente” díxolle que "non poden connosco, nin con Feijóo, nin con Santalices, nin con Rosendo, nin cos mozos, nin co meu amigo Fervenza, nin co conselleiro, nin cos conselleiros".

Mirando ao pasado, o parlamentario (autor dun polémico estudio sobre o Prestige pagado pola Xunta no que afirmaba que a economía galega saíra beneficiada) asegurou que as "pancartas están de capa caída e aqueles tempos non volverán 'Nunca Máis". “Dan pena intelectual”, concluíu.

A oposición non puido evitar entrar na lama dos ataques persoais. Losada (PsdeG) lembroulle que leva 30 anos na Universidade malia que aínda non presentou a súa tese doutoral. Tamén acusou ao PP de non ter decencia por non acudir ao acto da Memoria Histórica na Coruña.

Henrique Viéitez (BNG) acusou ao conservador de comportarse como se estivese “nunha taberna". O nacionalista pediu "respecto” aos cidadáns e que se debatese o asunto do pleno.

Tanto Viéitez como Losada criticaron as contas de Feijóo no referido a caída da innovación e os investimentos no exterior, nos que a Confederación de Empresarios é unha das grandes beneficiadas.

13 Canto mandas, Arias...

É patético un señor que non manda nada no PP nin ten ningunha responsabilidade, un simple histriónico como López-Chaves ou aquel do bigote en Madrí, vaia como de poderoso e dando leccións...

12 Manolete

Manolo, non se pode defender este individuo dicindo que dende os escanos da oposición se poden dicir tamén, noutras ocasións, certas cousas subidas de ton. En todo caso, creo que nunca se lanzan en plan persoal, como si fai este Pedro Arias. Como profesor, é lamentable, e dedicaba parte das súas clases a falar de política partidista, sindicatos... Manolo, que dis diso que a xunta lle pague a edición dun libro a un deputado?

11 Doutor

Un día a enxeñeria xenetica libraranos destes especimenes. Hai que ter fe.

10 Deus os da e eles xuntanse

Pedro Arias e un absoluto impresentabel non hai dubida, que sirve os intereses do partido que o ampara, ainda hai menos, "xente con xente" E representa as maravillas o papel que se lle confiou que e o de distraer coa sua vulgaridade para o final esquencernos do que importa a saber: as contas de Feijóo no referido a caída da innovación e os investimentos no exterior, nos que a Confederación de Empresarios é unha das grandes beneficiadas.