Temas: CUIñA LALíN

O legado de Xosé Cuíña segue vivo en Lalín

Lalín acolle unha homenaxe ao ex dirixente do PPdeG no décimo aniversario da súa morte que contará co presidente do Parlamento. Rafael Cuiña, fillo do homenaxeado e actual alcalde de Lalín, subliña o carácter "persoal" do acto e agradece a "grandeza" de Santalices.

Por E.P. | SANTIAGO DE COMPOSTELA | 15/12/2017 | Actualizada ás 21:23

Comparte esta noticia

Con motivo do décimo aniversario da morte dunha das figuras relevantes da política galega, Xosé Cuíña Crespo, este sábado 16 de decembro terá lugar en Lalín (Pontevedra), a súa localidade natal, unha homenaxe no que participará o actual presidente do Parlamento, Miguel Santalices.

Feijóo e Xose Cuíña durante o último goberno de Fraga
Feijóo e Xose Cuíña durante o último goberno de Fraga

A homenaxe consistirá nunha misa ás 18,00 horas do 16 de decembro na Igrexa de Lalín e, posteriormente, nun acto no salón teatro do auditorio desta localidade, no cal intervirán, ademais de Miguel Santalices, o alcalde de Lalín e fillo do homenaxeado, Rafael Cuiña Aparicio.

En declaracións a Europa Press, Rafael Cuiña explicou que o acto ten "un carácter persoal" de recoñecemento e será "sinxelo pero emotivo". Na súa intervención, rememorará o Lalín da época e tamén a figura política de Xosé Cuiña.

Moi agradecido coa intervención de Santalices, Rafael Cuiña destacou que se trata de "un amigo persoal que demostra a súa grandeza" por saber separar "a parte persoal da política". Precisamente, o actual presidente da Cámara foi un do cinco deputados do PP de Ourense que no ano 2004 encerráronse nun piso, dentro do órdago co que o entón barón José Luís Baltar quixo ameazar a maioría de Manuel Fraga despois da defenestración de Cuiña.

Xosé Cuiña Crespo foi alcalde de Lalín, presidente da Deputación de Pontevedra, conselleiro de Política Territorial e Obras Públicas e secretario xeral do PPdeG, pero nunca logrou ver satisfeita a súa aspiración de converterse no sucesor do fundador do seu partido, Manuel Fraga, de quen foi 'golfiño' durante moitos anos ata que en xaneiro de 2004 cruzouse na súa carreira o 'Prestige' e foi obrigado a presentar a súa dimisión.

PERDEU ANTE FEIJÓO

Apartado do poder, Cuiña, que faleceu aos 57 anos de idade, viuse sumido nun ocaso nos círculos políticos, que quedou ratificado cando en decembro de 2005 non foi capaz de reunir os avais suficientes para dar a batalla pola sucesión de Fraga no congreso no que Alberto Núñez Feijóo conseguiu facerse coas rendas do partido.

Nese momento, o político de Lalín quedou só e mesmo o presidente do PP de Ourense, José Luís Baltar, que fora un dos seus máximos defensores, anunciou o seu apoio a Feijóo no congreso de xaneiro de 2006.

Coa máxima ideolóxica do galeguismo, Cuiña, que se proclamaba "fillo de muiñeiro", abanderou xunto a Baltar e Franscico Cacharro o sector da 'boina', que aglutinaba ás filas populares máis asentadas no rural. Fronte a eles, estaba o sector do partido máis urbano e coñecido como o 'birrete', que encarnaban Mariano Rajoy e José Manuel Romay Beccaría.

Cuiña nunca conseguiu que Fraga o nomease vicepresidente para facer un xesto claro sobre o seu 'delfinato' e finalmente este obrigouno a dimitir o 16 de xaneiro de 2003, após coñecerse que empresas da súa familia forneceran material para a limpeza das praias afectadas pola marea negra do 'Prestige'.

O político de Lalín perdía así unha batalla interna no seo do Gabinete de Fraga sobre como xestionar a catástrofe do petroleiro, xa que el abanderaba a tese de realizar unha maior intervención desde Galicia fronte ao Executivo de José María Aznar.

Ademais da súa faceta política, Cuiña xestou xunto a outros membros da súa familia un conglomerado de empresas. No entanto, a xunta directiva da Asociación de Empresarios de Deza (AED) decidiu declinar a proposta de dous dos seus socios de tomar parte activa na organización dos actos de recordo a Cuiña Crespo, xa que na súa xunta acordouse "evitar suspicacias e posibles interpretacións erróneas".

Temas: CUIñA LALíN
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 6 comentarios

4 Arturo

O concello de Lalín nen se parece, nen ten nada que ver ca Deputación de Ourense. Moitos dos concellos da provincia de Ourense, moi pequenos e ca poboación caendo, dependen de Deputación de Ourense para moitas cousas. O concello de Lalín e moi grande ( dos meirandes de Galicia ), a sua poboación non vai para baixo, e a súa función non é sustentar a outros concellos. Así que dicir que o concello de Lalín "é" coma a Deputación de Ourense, simplemente, é una parvada.

3 M. H. Ourense

O tempo pon a cada quen no seu sitio. Hoxe Cuíña sería un bo galego e un modelo a seguir fronte ós que nos gobernan e que perderon toda a súa persoalidade aceptando sempre ordes de Xénova. Direi mais, fronte os que só pensan vivir da política e non defenden a esta terra. Celebro que se lembren de Xosé Cuíña e sobre todo na capital do Deza. Ánimo e forza a seu e fillo para que nas filas de Compromiso por Galicia CxG siga a loitar por unha Galicia mellor e un nacionalismo galego non dogmático pero efectivo para todos os galegos..

1 Galegus

Coñecendo a relación das empresas familiares cos postos políticos do suxeto, esta mensaxe lembra moito ao que dicía Roosevelt con respecto a Somoza. E tamén, as profundas raíces caciquiis dunha parte do nacionalismo galego. En realidade, moitos pensan que foi o temprán pasamento o que salvou a Cuiña de terminar como o seu brazo dereito no PP, Pablo Crespo, capo da trama Gurtel. Agora ben, o concello de Lalín e moi similiar á deputación de Orense, gobernada por M Baltar, esa gran amizade dos Cuiña

2 Anti...

CUIÑA CON TODOLOS SEUS ERROS ERA UN GALEGISTA , FEIJOO É UN OPOTUNISTA ESPANOLISTA. RAJOY TEN UN CAN E UNHA CADELA DE SAIA, FEIJO E O BIVO MÁIS PERFEITO DE ANA PASTOR, QUE NON É GALEGA NIN DE NACIÓN NIN DE ADOPCION. É ZAMORANA E TINAQUE ESTAR FACHENDOSA DE ISO. Berrar é de berróns, ou sexa vos, a escritura pode ser en maiuculas ou minuscucas , mais sendo vós neo xornalistas e normal o boso erro. Se queredes escoitar un berro doubos o meu enderezo e xa aprendes o sustantivo/ adxectibo mais a acion.

1 Ernesto

Unha magoa que non faléis da avoa testaferro ou de como beneficiar as empresas familiares dende o posto politico

1 José

Podes escoller entre Pujol e Amancio Ortega.... Cuiña sempre dicía o de "Galicia, Nai e Señora!" mui na liña do de Miña Terra Nai, etc. Mira ti, se en lugar de Feijoo fose Cuiña o elexido, qué tería pasado..?? O PP é a máis grande maquinaria política da nosa Terra, hai que apostar por un PPde Ga na fronteira da autodeterminación.... qué digo.. independentista galego! e mandar aos españoleiros po k-r-allo