Santiago de Compostela | 16/12/2017 | Actualizada ás 19:15 por EUROPA PRESS
Un home faleceu este sábado ao quedar atrapado no interior do seu vehículo despois de sufrir un accidente no quilómetro 570 da N-VIN, Coirós (A Coruña).
Segundo informou o CIAE 112 Galicia, os bombeiros de Betanzos tiveron que excarcerar o corpo da vítima mortal, que quedou atrapado debaixo do coche. Ademais, no turismo viaxaba unha muller, que tivo que ser liberada pola dotación e o persoal do 061-Urxencias Sanitarias.
Debido á gravidade do accidente, os efectivos sanitarios mobilizaron ao helicóptero medicalizado con base en Santiago, que non chegou a intervir ao confirmarse o falecemento do home.
Tras recibir o aviso do accidente por parte de varios particulares sobre as 13,25 horas, o 112 Galicia informou os profesionais sanitarios, aos efectivos de extinción e salvamento e á Garda Civil de Tráfico.
Unha vez no lugar do accidente, o servizo médico só puido certificar o falecemento do home.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.