Por E.P. | SANTIAGO DE COMPOSTELA | 18/12/2017 | Actualizada ás 13:50
A Garda Civil interceptou o pasado sábado un camioneiro que consumía cocaína e opiáceos mentres conducía na autovía que une Ferrol e Vilalba ao seu paso polo municipio lucense. Segundo informou o Instituto Armado, sobre as 18:32 horas do pasado sábado, á altura do quilómetro 55,900 da autovía AG-64, unha patrulla do Destacamento de Tráfico de Vilalba interceptou un camión cuxo condutor "circulaba consumindo cocaína e opiáceos".
Após ordenar a súa parada, axentes procederon a identificar o condutor, un home de 37 anos de nacionalidade portuguesa. Despois de realizar as probas de detección de drogas, o resultado foi positivo en cocaína e opiáceos. Durante a actuación, os axentes atoparon na cabina do vehículo articulado "varios utensilios que utilizaba para consumir cocaína e opiáceos fumados", concreta a Benemérita.
O camión, propiedade dunha empresa lusa, no momento de ser interceptado realizaba un transporte de paquetería desde a localidade de Ferrol a Barcelona, onde tiña que realizar a descarga da mercadoría na noite deste luns.
VEHÍCULO INMOBILIZADO
Non entanto, "á vista do resultado na proba de drogas, o vehículo foi inmobilizado ata que o condutor arroxe resultado negativo e, ao ser estranxeiro non residente, deposite o importe da denuncia", concretra o Instituto Armado.
A sanción aparellada a unha infracción por conducir con presenza de drogas no organismo ascende a un importe de mil euros e a detracción de seis puntos do permiso de condución, lembra a Guardia Civil.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.