Afouteza é a Palabra do Ano 2017

Foi o termo máis buscado do dicionario da RAG durante meses e superou en votos, co 48 % de apoios, a independencia, sapoconcho, eucaliptización, teimudo, vaga de lumes, violencia de xénero e velutina.

Por Galicia Confidencial | | 27/12/2017 | Actualizada ás 11:46

Comparte esta noticia

Afouteza é a palabra deste 2017. Un digno posto que conseguiu cun 48 por cento dos votos; 3.004 persoas das 6.228 que participaron na elección promovida polo Portal das Palabras, o proxecto web para a modernización e divulgación do léxico galego da Real Academia Galega e a Fundación Barrié. O termo gañador impúxose aos outros sete finalistas. Independencia foi a seguinte palabra en número de votos, con 939, e sapoconcho, a terceira, con 830. Eucaliptización, teimudo, vaga de lumes, violencia de xénero e velutina completan, por esta orde, a táboa de posicións finais.

Afouteza é a palabra do ano 2017
Afouteza é a palabra do ano 2017

Nas tres edicións anteriores, as gañadoras foron irmandade (2016), refuxiados/as (2015) e corrupción (2014). A esta listaxe súmase agora afouteza, cuxo éxito foi cociñándose ao longo de todo 2017, xa que durante varios meses liderou a listaxe de palabras máis buscadas no Dicionario da RAG. Os medios de comunicación recolleron este dato, dando conta de que o interese por unha voz non moi frecuente na fala coloquial era debido á campaña do Celta de Vigo, que ten por lema: “Ensinémoslle ao mundo o significado da afouteza”, baseado nun verso do propio himno do club. 

“En definitiva, afouteza conquistou neste ano que remata unha vida nova nun partido en que gaña a lingua: saltou do campo de fútbol á rúa, da rúa aos medios e tamén se introduciu en textos de diferente tipo, espertando a curiosidade de quen non a coñecía e pasou a incorporala ao seu tesouro léxico persoal”, apuntou a RAG nun comunicado. De feito, a palabra, cun sólido fundamento histórico, foi nestes últimos meses gañando posicións no espazo da fala e o léxico vivo.

A ORIXE

Afouteza vén definida no Dicionario en dúas acepcións: pode referirse á disposición de quen actúa sen temor ás dificultades ou perigos ou á seguridade que unha persoa demostra en si mesma.  A orixe de afouteza atópase nun verbo latino, favere, que tiña por significado “favorecer ou “protexer”, e que os romanos usaban en principio no ámbito relixioso para se referiren aos favores e á benevolencia dos deuses cos mortais. 

De favere e do seu supino fautum chegouse en romance a fouto e fouta, as formas primitivas do adxectivo. Logo na fala engadiuse unha vogal inicial de reforzo, e de aí afouto e afouta, é dicir, a persoa que “ten ou amosa afouteza”. Completan a familia léxica o adverbio afoutamente e mais o verbo afoutar (que pode ser tamén pronominal, afoutarse), cando lle damos ánimos ou valor a alguén para realizar algo ou encetar unha empresa.

Afouteza está na lingua practicamente desde os inicios, como indica a súa presenza en documentos do século XIV.  Tamén aparece en textos literarios e particularmente nos medios de comunicación, desde O Tío Marcos da Portela, pasando por A Monteira, a revista Nós e A Nosa Terra do comezo do XX, entre outras. Neste espazo comunicativo, volve brillar na segunda decena do século XXI.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 9 comentarios

2 Taberniense

Porque claro está los argumentos para crear Tabarnia también se pueden usar aquí y en el resto de España... A que si ¿Nostrus?

2 Tristura

Deberiamos empezar a reflexionar e a ter en conta a necesidade de non crear máis divisións. Se algún galego que reside en Cataluña me está lendo, por favor, que o pense... Vedes o que están xa a defender co de Tabarnia? Que tristeza

1 Tabarniense

¡Qué felices seremos el día en que se cree, VigoCoñuñarnía (como Tabarnia), y ya no tengamos nada que saber de esa lengua que no habla nadie más que los de aldea y los del bloque. ¡Que nos interesa a nosotros el gallego!

1 Pondaliao

o mesmo que a ti unha cona, eunuco mental!

2 Tabarniense

Lo que tu quieras, pero ya hablaremos después de las elecciones: si hasta Azna lo ve: https://www.elespanol.com/espana/po... Y con una izquierda dividida y un nacionalismo que no va a crecer más... Ja, ja, ja... A ver quien rie último, majete. Afouteza vos vai facer falta a vós.

3 Xanti

Claro que si, eses dous sitios nos que non goberna o nacionalismo. Oh wait!!!!!

4 Un de paso

Pois para non interesarche o galego ben que te moves por medios escritos en galego. Mimadriña como lles chove a algúns...

5 Con_afouteza

Pero Tabarniense ¿Piensas que por independizarte de "los de aldea y los del bloque", dejarás de ser un cateto ignorante ?. Lee lo que escribes.