Por E.P. | Rianxo | 31/12/2017 | Actualizada ás 09:17
A Garda Civil localizou na madrugada deste domingo o corpo da moza madrileña Diana Quer, desaparecida en agosto de 2016, na parroquia de Asados, no concello de Rianxo, segundo confirmaron fontes policiais a Europa Press.
As mesmas fontes apuntan que se deben realizar as análises pertinente para confirmar que se trata do cádaver de Quer. Os restos foron localizados nunha nave da parroquia de Asados, lugar de nacemento do principal sospeitoso do crime, José Enrique A. G., Quique, alias 'o Chicle'. E, supostamente, tería sido el quen informou do lugar onde se atopou o corpo.
Á primeira hora deste domingo estaba previsto que os axentes que levan a cabo a investigación realizasen un novo rexistro na vivenda de 'o Chicle', que finalmente foi aprazado polo avance dos acontecementos.
A muller do sospeitoso cambiou o sábado a súa versión e asegura agora que non estivo co seu home, o principal sospeitoso da desaparición de Diana Quer, a noite do 22 de agosto, cando se perdeu o rastro da moza madrileña na Pobra do Caramiñal (A Coruña).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.