Por gcdeportes | Vigo | 05/01/2018 | Actualizada ás 18:23
O alcalde de Vigo, o socialista Abel Caballero, ten claro que Alberto Núñez Feijóo e o PP fixeron todo o posible para tentar que o Celta marchase de Vigo. Este venres, denunciouno outra volta: "Feijóo e o PP fixeron todo o que puideron para que o Celta se fose de Vigo", e pediu explicacións á Xunta polo seu proceder e polo feito de que non dedica "ni un só euro" á reforma do estadio municipal de Balaídos.
O rexedor vigués respondía deste xeito as críticas do Grupo Popular vigués sobre o retraso e o custo engadido na obra do estadio, e asegurou que "no fondo, o que o PP quería é que non se reformase e que o Celta se fose de Vigo". E denunciou: "É o que queren Feijóo e o PP, non toleran que á cidade lle vaia ben, confunden a cidade con Abel Caballero e non queren que lle vaia ben”.
Segundo Abel Caballero, tanto a Xunta como o PP vigués “teñen que explicar por que tentaron que o Celta” marchase de Vigo e "por que (o Goberno galego) non dedica ni un só euro á reforma do estadio".
En troques, o alcalde admitiu que o recurso administrativo presentado polo Colexio Oficial de Arquitectos de Galicia sobre a licitación das obras de reforma das bancadas de Gol e Marcador pode supor “un retraso moi lixeiro" na execución da reforma. "O PP alégrase”, insistiu, e arremeteu contra o concelleiro e senador popular Miguel Fidalgo, por asegurar no seu día que o Celta tería que xogar noutro estadio por mor dos retrasos nas obras: "No PP, aos inútiles políticos os premian e os fan senadores, a alguén que dixo que o Celta tería que ir xogar a Porto".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.