Por E.P. | Santiago de Compostela | 09/01/2018 | Actualizada ás 10:12
Un ciclista duns 40 anos de idade resultou ferido de carácter leve após sufrir un accidente cun coche á altura do instituto Rosalía de Castro de Santiago de Compostela.
Até o lugar do ocorrido, pouco antes das 9,00 horas, desprazouse unha ambulancia para atender ao ferido, mentres que tamén actuou a Policía Local, que habitualmente xa se atopa neste punto para regular o tráfico debido a que coincide coa entrada de alumnos no instituto.
Ademais, un mozo foi trasladado ao centro de saúde de Santa Comba (A Coruña) após resultar ferido cando cruzaba entre dous coches que estaban estacionados.
Nese momento, chocou contra a parte de atrás dun camión que circulaba pola calzada, segundo explicaron a Europa Press fontes policiais.
FERIDO NO PORRIÑO
Doutra banda, un condutor resultou ferido despois de saírse da vía co seu turismo no Porriño (Pontevedra), na tarde noite do luns, cando circulaba pola rúa Progreso, á altura da estación de tren da localidade.
Concretamente, o sinistro tivo lugar ás 19,30 horas e foi solicitada asistencia sanitaria para unha persona que, segundo informou o particular que chamou ao 112, estaba "inconsciente".
Foron mobilizados o 061, a Policía Local e efectivos de Protección Civil da localidade. Tamén se informou aos Bombeiros de Baixo Miño, aínda que o alertante indicou que "non eran necesarios os medios de excarceración", segundo informou o propio 112.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.