Os pais de Diana Quer estudan recorrer o sobresemento da investigación á muller do 'Chicle'

Os pais de Diana Quer, personados como acusación particular na instrución pola desaparición e morte da moza, estudan a posibilidade de recorrer o auto do xuíz Félix Isaac Alonso polo que se sobreseen as actuacións sobre a muller do autor confeso da morte.

SANTIAGO DE COMPOSTELA | 10/01/2018 | Actualizada ás 19:13 por EUROPA PRESS

Comparte esta noticia

Os pais de Diana Quer, personados como acusación particular na instrución pola desaparición e morte da moza, estudan a posibilidade de recorrer o auto do xuíz Félix Isaac Alonso polo que se sobreseen as actuacións sobre a muller do autor confeso da morte.

Segundo confirmaron a Europa Press fontes próximas, tras recibir o auto do Xulgado de Instrución número 1 de Ribeira co que cesa a investigación a Rosario R., os representantes legais dos pais de Diana Quer estudarán a posibilidade de recorrelo para que se siga indagando no papel da muller do 'Chicle'.

O propio auto, emitido o martes, recolle que contra el se poderá interpor recurso de reforma ou apelación no prazo de tres días ou de apelación nun prazo de cinco días.

Por outra banda, fontes próximas a Rosario R. aseguraron que a muller aínda non se puxo en contacto con José Enrique Abuín Gey, a pesar de que a súa incomunicación concluíu o pasado venres. O 'Chicle', segundo confirmou o seu avogado o luns tras visitalo no cárcere de Teixeiro, preguntou ao seu letrado por como se atopa a súa familia.

Algún erro? Nota editorial
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta