O avogado renuncia á defensa do 'Chicle'

"Para poder exercer nun asunto penal, é necesario crer total e honestamente no que se está facendo", argumenta José Ramón Sierra, que cre que Enrique Abuín Gey está arrepentido. O letrado coruñés asegura que varios profesionais mostráronse dispostos a aceptar o caso.

Por E.P. | Pontevedra | 12/01/2018 | Actualizada ás 15:27

Comparte esta noticia

O avogado de José Enrique Abuín Gey, o Chicle, José Ramón Sierra, renuncia á defensa do autor confeso da morte de Diana Quer. Argumenta que "para poder exercer nun asunto penal, é necesario crer total e honestamente no que se está facendo, facelo con paixón e con amor á profesión". "E dificilmente, neste instante, o podo facer", incidiu.

O avogado Ramón Sierra acode a ver a 'o Chicle' ao xulgado.
O avogado Ramón Sierra acode a ver a 'o Chicle' ao xulgado. | Fonte: Europa Press

"Se hai dúbidas sobre a defensa, nosas, somos nós os que decidimos non seguir", revelou Sierra, que este venres se trasladou ao centro pontevedrés da Lama para comunicarlle a súa decisión ao que até hoxe era o seu defendido, unha renuncia que tamén deu a coñecer nesta xornada ao xulgado número uno de Ribeira que instrúe a causa.

Após conversar durante case unha hora co Chicle, Sierra detallou que, nos últimos días, o seu equipo legal pediu que se lle practicase a Abuín Gey "unha proba pericial con dous forenses psicólogos e psiquiátricos acerca do seu estado", e agora considera que, "neste instante, debe proceder outra persona a exercer a defensa".

Sobre este punto, aínda que non revelou se ten o resultado deste exame, precisou que, nun delito deste tipo "contra as persoas", estas probas periciais son "necesarias" para saber se o acusado é "imputable". "Quizais a modo de cautela, quizais porque puidese haber algunha anomalía que justificase unha alteración psíquica. Non afirmo que a teña ou que a deixe de ter", apuntou.

SITUACIÓN LEGAL DO ACUSADO

José Ramón Sierra explicou que, para que se faga efectiva a súa renuncia, débeselle asignar outro letrado ao Chicle, xa que "non pode quedar indefenso". "Terá que procederse a designarlle un avogado", sinalou antes de anunciar que xa varios profesionais manifestaron a súa disposición a aceptar o caso.

Así mesmo, sobre se os datos do informe preliminar da autopsia coñecidos o xoves influíron na súa renuncia, incidiu no carácter "preliminar" deste documento. "Hai que facer unha serie de estudos complementarios, de toxicoloxía fundamentalmente, analizar máis cousas e logo haberá un informe definitivo, ese informe definitivo, non está, por tanto, non é concluínte", subliñou.

Con todo, sinalou que "é evidente" que "non parece que se poida acreditar ningún tipo de delito contra a liberdade sexual do que se analizou até agora". "Para nós iso era moi importante", indicou. "Espero que sigan na mesma liña os resultados das probas e que sigan chegando á conclusión de que esta pobre moza foi obxecto do que foi obxecto pero non dun delito contra a liberdade sexual", apuntou.

Ademais, considerou que "non" hai risco de que aparezan casos de agresións sexuais vinculadas a Enrique Abuín e fixo fincapé en que a suposta agresión á súa cuñada por parte do Chicle "non foi nin obxecto de acusación polo Ministerio Fiscal".

"Pasase o que pasase saberao o, saberao Deus, saberao o xuíz, saberao o fiscal... el non foi condenado, non ten antecedentes por este tema, por tanto, hai que cinguirse á realidade do que pasou", indicou.

Após iso recoñeceu que "non" é habitual que un avogado renuncie á representación do seu cliente e preguntado por si ve ao Chicle disposto a declarar ante o xuíz, José Ramón Sierra sinalou que, unha vez que teña unha nova dirección xurídica, terá que analizar esta cuestión co seu letrado correspondente e "tomar unha decisión".

Ademais, tamén explicou que até este momento "non tiña sentido" que Abuín Gey se prestase a levar a cabo unha reconstrución do feitos tendo en conta que se acolleu ao seu dereito a non declarar. "Se el non declara tampouco vai participar activamente nesa dilixencia. O que se faga no futuro vai depender exclusivamente del e do seu novo letrado e esperemos que o aconselle correcta e oportunamente", expresou.

Todo iso, antes de negar que o autor confeso da morte de Diana Quer cambiase a súa declaración e incidiu en que só falou dúas veces e ante a Garda Civil.

ESTÁ "MOI FROUXO"

Na súa comparecencia ante os medios, José Ramón Sierra asegurou que o seu até agora defendido está "moi frouxo" e "bastante mal". Ademais, asegurou que cre que está arrepentido e deixou claro que aínda "non falou con ninguén da súa familia". "Non sei de onde sae o dese apoio de dona Rosario...", manifestou en referencia á muller do acusado.

"El non falou con ninguén até este momento, non tivo contacto con ninguén", insistiu Ramón Sierra, que explicou que el mesmo foi o encargado de levarlle a José Enrique Abuín Gey unha bolsa con roupa e obxectos persoais.

Con todo, despois de que o Chicle fose trasladado da prisión de Teixeiro (Curtis) ao centro penal da Lama, en Pontevedra, para evitar posibles contactos de membros do clan Os Fanchos do que o autor confeso da morte de Diana Quer formou parte, Sierra asegurou que Abuín Gey "non" lle transmitiu nin no antigo centro nin neste sentirse "ameazado". "Eu en Teixeiro tamén o vin tranquilo", indicou.

INSPECCIÓN OCULAR

Na súa intervención, considerou "excesivo e contraproducente" que os medios falen dos obxectos achados nos rexistros e inspeccións oculares. "Non lle vou a dicir se había unha, dous ou quince bridas porque cada día aparece unha cousa máis, e por aí van mal porque non é así", indicou.

Por último, Sierra negou que o Colexio de Avogados da Coruña formulase algún tipo de crítica sobre a representación legal neste caso. "Iso é falso e dígollo con pleno coñecemento de causa. Estou orgulloso do meu colexio e estou orgulloso do meu decano. Non hai ningún problema nese sentido e on sei a quen se lle ocorreu difundilo pero non se axusta á realidade", resolveu.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta