Por Galicia Confidencial | Monforte | 12/01/2018 | Actualizada ás 18:00
Afundación, a Obra Social de ABANCA, organizará no seu Espazo +60 de Monforte de Lemos un obradoiro de confección de compadres e comadres para celebrar o Entroido. O seu obxectivo é contribuír a que esta tradición propia do sur da provincia de Lugo non desapareza e para a súa elaboración o grupo utilizará materiais como cartóns, palla, pintura ou roupa usada.
Esta actividade enmárcase no programa «O valor da experiencia» da Área de Envellecemento Activo de Afundación, que ten como obxectivo potenciar o papel activo das persoas maiores na sociedade e o desenvolvemento de actividades interxeracionais e de voluntariado.
Este obradoiro ealizarase os luns, mércores e venres desde o 15 de xaneiro ata o 7 de febreiro, en horario de 17.00 a 19.30 horas de forma gratuíta. Os compadres realizados exporanse na rúa, diante do Espazo +60 da vila, o xoves 1 de febreiro, e as comadres, o xoves 8 de febreiro.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.